الماتى تۇرعىنى اناستاسيا الەۋمەتتىك جەلىدە بوستاندىق اۋدانىندا پىشاقپەن ءجۇرىپ، جەرگىلىكتى تۇرعىندارعا، ونىڭ ىشىندە بالالارعا ءقاۋىپ ءتوندىرىپ جۇرگەن ەر ادام تۋرالى حابارلادى. ونىڭ ايتۋىنشا، ول تۇندە ايعايلاپ، م ۇلىكتى ءبۇلدىرىپ، ءوتىپ بارا جاتقاندارعا شابۋىل جاسايدى، سونداي-اق №70 جانە №189 مەكتەپتەرگە بارامىن دەپ قورقىتادى. ايەل تۇرعىنداردىڭ بارلىق ورگاندارعا جۇگىنگەنىن، ءبىراق تەك فورمالدى جاۋاپ العانىن، ال ۋچاسكەلىك ينسپەكتوردىڭ شاقىرتۋلارعا جاۋاپ بەرمەيتىنىن ايتادى، دەپ حابارلايدى infohub.kz.
اناستاسيا الەكسەي ەسىمدى ەر ادامنىڭ قاقپانى سىندىرىپ، كولىك دوڭگەلەكتەرىن كەسىپ تاستاعانىن، ال ۆيدەودا ول جول جوندەپ جاتقان ۇلدارعا شابۋىل جاساعانىن، پىشاقتى قالتاسىندا جاسىرعانىن ايتتى. ول سونداي-اق ونىڭ قامقورشىسى جوقتىعىن، اناسى بىرنەشە جىل بۇرىن حابار-وشارسىز كەتكەنىن، قىستا جىلىتۋسىز جانە كۇتىمسىز ءومىر سۇرەتىنىن اتاپ ءوتتى. ايەل الماتىلىقتاردى قايعىلى وقيعا بولعانشا ونى ماجبۇرلەپ ەمدەتۋگە قول جەتكىزۋگە شاقىردى.
الماتى پوليسيا دەپارتامەنتىندە 30 تامىزدا كوشەدە پىشاق ۇستاعان ەر ادام تۋرالى حابارلاما تۇسكەنىن مالىمدەدى. كەلگەن قىزمەتكەرلەر ونى ۇستاپ، جەدەل جاردەم بريگاداسىنا تاپسىردى. ونىڭ پسيحيكالىق دەنساۋلىق ورتالىعىندا ەسەپتە تۇرعانى انىقتالىپ، مامانداندىرىلعان مەكەمەگە جات قىزىلدى. پوليسيا قازىرگى ۋاقىتتا اينالاداعىلارعا ءقاۋىپ جوقتىعىن جەتكىزدى.