الماتىنىڭ اۋەزوۆ اۋدانىندا قازان ايىنىڭ سوڭىنا دەيىن جاڭا QADAM سكۆەرى اشىلادى — 0،35 گا اۋماقتى الاتىن قوعامدىق كەڭىستىك سايىن مەن ۇلىقبەك كوشەلەرىنىڭ قيىلىسىنداعى بۇرىنعى اۆتوتۇراق ورنىندا پايدا بولادى، دەپ حابارلايدى infohub.kz سايتى.
اۋماقتا بالالار الاڭى، جۇگىرۋ جولى، سىرعاناۋ جانە پاركۋر ايماقتارى، سونداي-اق سەرۋەندەۋ كەڭىستىكتەرى سالىنادى. بولەك ءارتۇرلى تابيعي جابىنداردان جاسالعان تاكتيلدى اللەيا قاراستىرىلعان. ورتالىق ەلەمەنتتەردىڭ ءبىرى — سۋبۇرقاعى، جارىقتاندىرۋى جانە «بولاشاققا قادام» دەگەن جازۋى بار دوعالى كومپوزيسيا بولادى.
سونىمەن قاتار اۋماق كوگالداندىرىلادى. قازىرگى تاڭدا قۇرىلىس جۇمىستارى جالعاسۋدا.
«QADAM تۇجىرىمداماسى قوزعالىس، ءتۇرلى فاكتۋرالار، دىبىس، سۋ جانە جارىق ۇيلەسىمىنە نەگىزدەلگەن. تەكسەرۋ قورىتىندىسى بويىنشا دارحان ساتىبالدى بەكىتىلگەن كەستەنى ساقتاۋدى جانە قۇرىلىستىڭ بارلىق كەزەڭدەرىندە جۇمىس ساپاسىن قامتاماسىز ەتۋدى تاپسىردى»، — دەپ مالىمدەدى الماتى اكىمدىگىندە.
بۇعان دەيىن Kursiv LifeStyle الماتىدا 250 كەلى قوقىستان جاسالعان اللەيا اشىلعانىن جازعان بولاتىن. جاڭا نىسان «يۋجنىي» ساياباعىندا دۇنيەجۇزىلىك قورشاعان ورتانى قورعاۋ كۇنى قارساڭىندا اشىلدى.