الماتى قالاسىنىڭ مەملەكەتتىك م ۇلىك جانە جەكەشەلەندىرۋ دەپارتامەنتى قايرات ساتىبالدى ۇلىنا تيەسىلى بولعان بۇرىنعى ءقوناقۇي عيماراتىن ساتۋعا شىعارا المادى. 25 قىركۇيەككە بەلگىلەنگەن ەلەكتروندىق اۋكسيون وتپەدى دەپ تانىلدى، دەپ حابارلايدى infohub.kz سايتى.
نىساننىڭ ساۋدا-ساتتىققا قويىلعانى 9 قىركۇيەكتە بەلگىلى بولدى. المالى اۋدانىنداعى دوسمۇحامەدوۆ كوشەسى، 115 مەكەنجايىندا ورنالاسقان ءقوناقۇي كەشەنى 12 759 410 000 تەڭگە باستاپقى باعامەن ۇسىنىلدى. اۋكسيون 25 قىركۇيەكتە ساعات 10:00-دە باستالۋى ءتيىس ەدى، بۇل رەتتە جالعىز قاتىسۋشىعا ساتۋعا جول بەرىلدى.
الايدا بەلگىلەنگەن كۇنى ەلەكتروندىق ساۋدا پورتالىندا لوتتىڭ مارتەبەسى جاڭارتىلدى. «وتپەدى، ەلەكتروندىق اۋكسيون باستالعان كەزدە اۋكسيون زالىندا ساتۋ نىسانى بويىنشا تىركەلگەن اۋكسيون قاتىسۋشىلارى بولمادى»، — دەلىنگەن جاريالانعان مارتەبەدە.
مەملەكەتتىك م ۇلىك جانە جەكەشەلەندىرۋ دەپارتامەنتى بۇعان دەيىن 2023 جىلدىڭ تامىزىندا ءقوناقۇي سىيعا تارتۋ شارتىنىڭ نەگىزىندە مەملەكەت كىرىسىنە بەرىلگەنىن تۇسىندىرگەن. سول جىلدىڭ قىركۇيەگىندە نىسان سوت اكىمشىلىگى دەپارتامەنتىنىڭ بالانسىنا ءوتتى.
سونىمەن قاتار ينتەرنەتتە عيماراتتى بۇزۋ تۋرالى اقپارات تاراي باستادى. الايدا قالا اكىمدىگى NUR.KZ ءتىلشىسىنىڭ سۇراۋىنا جاۋاپ بەرە وتىرىپ، بۇرىنعى ءقوناقۇيدى بۇزۋ جۇمىستارى جۇرگىزىلمەيتىنىن مالىمدەدى.
بۇدان بولەك، جوبا اياقتالعان سوڭ عيماراتتى جەر ۋچاسكەسىمەن بىرگە «الماتى قالاسىنىڭ سيفرلاندىرۋ باسقارماسى» كوممۋنالدىق مەملەكەتتىك مەكەمەسىنە بەرۋ جوسپارلانىپ وتىرعانى حابارلاندى. «بولاشاقتا نىسان سيفرلاندىرۋ جانە جاساندى ينتەللەكتتى دامىتۋ سالاسىنداعى مەملەكەتتىك باعدارلامالاردى ىسكە اسىرۋ، سونداي-اق IT، AI، كرەاتيۆتى يندۋستريالار جانە باسقا دا ساباقتاس باعىتتاردا جۇمىس ىستەيتىن رەزيدەنتتەردى ورنالاستىرۋ ءۇشىن پايدالانىلادى»، — دەلىنگەن اكىمدىكتىڭ جاۋابىندا.
قايرات ساتىبالدى ۇلىنىڭ ىسىنە كەلەتىن بولساق، 2022 جىلدىڭ قىركۇيەگىندە سوت ونى ۇرلىق تۋرالى باسقا ءىس بويىنشا كىنالى دەپ تانىپ، التى جىلعا باس بوستاندىعىنان ايىرىپ، جازاسىن ورتاشا قاۋىپسىزدىك مەكەمەسىندە وتەۋگە تاعايىندادى. كەيىن وعان شارتتى تۇردە مەرزىمىنەن بۇرىن بوساتۋدان باس تارتىلدى.
ساتىبالدى ۇلىنىڭ ءىسى بويىنشا جاڭا سوت پروسەسى استانادا 2024 جىلدىڭ 1 ساۋىرىندە باستالدى. وتىرىستا ايىپتالۋشىنىڭ رەسەيدە، بىرىككەن اراب امىرلىكتەرىندە، فرانسيادا جانە قازاقستانداعى مۇلكى تۋرالى ايتىلدى.
كەيىن ساتىبالدى ۇلىنا مەملەكەتكە جىلجىمايتىن م ۇلىك پەن ليۋكس اۆتوموبيلدەردى قايتارۋعا ۋاقىت بەرىلگەنى بەلگىلى بولدى. پروكۋرور نۇرماحانوۆ ساتىبالدى ۇلىنىڭ تاراپى قىلمىستىق اكتيۆتەردى مەملەكەتكە قايتارۋعا كەلىسكەنىن حابارلاعان.
سىبايلاس جەمقورلىققا قارسى ءىس-قيمىل اگەنتتىگى قايرات ساتىبالدى ۇلىنىڭ ءىسى بويىنشا تاعى 50 ملرد تەڭگەنى قايتارۋ جوسپارلانىپ وتىرعانىن مالىمدەگەن. 2024 جىلدىڭ تامىزىندا انتيكوردا قايرات ساتىبالدى ۇلىنىڭ مەملەكەتكە ناقتى نەنى قايتارعانى ايتىلدى. كەيىن باس پروكۋراتۋرا ساتىبالدى ۇلىنا تاعى 50 ملرد تەڭگە سوماسىنداعى م ۇلىك مەملەكەتكە قايتارىلاتىنىن حابارلادى.