16 تامىزدان باستاپ الماتىدا تۇرعىن ءۇي اۋلالارىنا شلاگباۋم ورناتۋدىڭ جاڭا ەرەجەلەرى كۇشىنە ەندى. ەندى ولاردى ورناتۋ اۋداندىق اكىمدىكپەن كەلىسىلۋى ءتيىس، دەپ حابارلايدى infohub.kz سايتى.
نەگىزگى تالاپتاردىڭ ءبىرى — شلاگباۋمدار اۆتوماتتى تۇردە اشىلۋى كەرەك، بۇل ارنايى جانە كوممۋنالدىق قىزمەتتەردىڭ وتۋىنە كەدەرگى جاساماۋى ءۇشىن قاجەت.
الماتى قالاسىنىڭ جول قوزعالىسىن ۇيىمداستىرۋ جانە جولاۋشىلار كولىگى باسقارماسى تۇرعىندار شلاگباۋم ورناتۋ تۋرالى شەشىمدى تەك كوندومينيۋم وبەكتىسىنىڭ ورتاق مۇلكىنە جاتاتىن جەر ۋچاسكەسىندە عانا قابىلداي الاتىنىن ءتۇسىندىردى. ول ءۇشىن ءۇي-جاي يەلەرىنىڭ ۇشتەن ەكىسىنەن استامىنىڭ كەلىسىمى قاجەت.
«شلاگباۋمداردى ورناتۋدىڭ ءبىرىڭعاي ءتارتىبى ارنايى جانە كوممۋنالدىق قىزمەتتەردىڭ كەدەرگىسىز ءوتۋىن قامتاماسىز ەتەدى. تۇرعىندار شلاگباۋم ورناتۋ تۋرالى شەشىمدى تەك كوندومينيۋم وبەكتىسىنىڭ ورتاق مۇلكىنە جاتاتىن جەر ۋچاسكەسىندە عانا قابىلداي الادى. ول ءۇشىن ءۇي-جاي يەلەرىنىڭ ۇشتەن ەكىسىنەن استامىنىڭ كەلىسىمى قاجەت»، — دەپ مالىمدەدى باسقارمادا.
تۇرعىنداردىڭ شەشىمىنەن كەيىن اۋداندىق اكىمدىكتىڭ كەلىسىمىن الۋ قاجەت. ەگەر اۋلا وتپەلى بولسا، ماسەلەنى قاراۋعا ورتكە قارسى قىزمەت قىزمەتكەرلەرىن دە تارتۋى مۇمكىن.
بۇعان دەيىن «كۋرسيۆ» الماتىدا كوممۋنالدىق اقىلى تۇراقتاردى پايدالانۋ ەرەجەلەرىنىڭ وزگەرگەنىن جازعان بولاتىن. قالادا مينۋتىنا تولەم ەنگىزىلۋدە، ال كوپپاتەرلى ءۇي تۇرعىندارى ءۇيىنىڭ جانىنداعى ءبىر تەگىن تۇراق ورنىن رەسىمدەي الادى.