الماتىنىڭ اۋەزوۆ اۋدانىندا ستيحيالىق ساۋدانىڭ 7 ءىرى نۇكتەسى جويىلدى. وندا زاڭسىز كيىم، كوكونىس، ءسۇت ونىمدەرى مەن گۇلدەر ساتىلعان. بۇل تۋرالى infohub.kz حابارلايدى.
قالا اكىمىنىڭ تاپسىرماسىمەن بەلگىلەنبەگەن جەرلەردە ساۋدا جاساۋدىڭ الدىن الۋ جانە الماتى قالاسىنىڭ اباتتاندىرۋ قاعيدالارىن ساقتاۋ ماقساتىندا شارالار قولدانىلدى. ساتۋشىلارمەن ءتۇسىندىرۋ جۇمىستارى جۇرگىزىلىپ، ولارعا زاڭ تالاپتارىن ساقتاۋ قاجەتتىگى ەسكەرتىلدى.
اۋەزوۆ اۋدانى اكىمدىگىنىڭ حابارلاۋىنشا، «جىل باسىنان بەرى اۋداندىق پوليسيا باسقارماسىنىڭ قىزمەتكەرلەرى ق ر اقبتك-نىڭ 204-بابى بويىنشا 698 اكىمشىلىك حاتتاما تولتىردى. ايىپپۇلداردىڭ جالپى سوماسى 3،4 ملن تەڭگەدەن استى». سونىمەن قاتار، ق ر اقبتك-نىڭ 505-بابى بويىنشا 1386 حاتتاما تولتىرىلىپ، ونىڭ سوماسى 5،3 ملن تەڭگەدەن استام.
سونداي-اق، جىل باسىنان بەرى اۋەزوۆ اۋدانىندا 192 ستاسيونارلىق ەمەس ساۋدا نىسانى بولشەكتەلدى.