1 مامىردا الماتىدا 60 سۋبۇرقاق ىسكە قوسىلادى، دەپ حابارلايدى infohub.kz.
اكىمدىكتىڭ مالىمەتىنشە، قالادا بارلىعى 66 سۋبۇرقاق بار، ونىڭ التاۋى قايتا جاڭعىرتۋدا – «باقباق»، «اققۋ»، «قىزعالداق»، م.اۋەزوۆ اتىنداعى قازاق ۇلتتىق دراما تەاترىنىڭ، ءال-فارابي اتىنداعى قازۇۋ-دىڭ جانە ق ر مەملەكەتتىك مۋزەيىنىڭ الدىنداعى سۋبۇرقاقتار.
«الماتى – ورتاق ءۇيىمىز» ناۋقانى اياسىندا سۋبۇرقاقتاردىڭ توستاعاندارى، ءتۇبى، قابىرعالارى تازارتىلىپ، گرانيت پليتالارى قالپىنا كەلتىرىلدى.
«ماماندار سۋبۇرقاقتاردىڭ ساندىك ەلەمەنتتەرىن بويادى، ەلەكتر جابدىقتارى مەن سورعىلارعا، ەلەكتر جەلىلەرىنە، سۋمەن جابدىقتاۋ جانە كارىز جەلىلەرىنە رەۆيزيا جۇرگىزدى. كوممۋنالدىق قىزمەت جەتكىزۋشىلەرىمەن سۋمەن جانە ەلەكترمەن جابدىقتاۋ جۇيەلەرىن قايتا ىسكە قوسۋ جۇمىستارى جۇرگىزىلدى. دايىندىق بارىسىندا اپاتتى ۋچاسكەلەر انىقتالىپ، قازىرگى ۋاقىتتا سۋمەن جانە ەلەكترمەن جابدىقتاۋ ينجەنەرلىك جەلىلەرىن قالپىنا كەلتىرۋ جۇمىستارى اياقتالۋدا»، – دەپ مالىمدەدى الماتى اكىمدىگىنىڭ ءباسپاسوز قىزمەتى.
8 ساۋىردەن 8 مامىرعا دەيىن «الماتى – ورتاق ءۇيىمىز» ناۋقانى ءوتىپ جاتىر. ونىڭ اياسىندا قالادا، تاۋلاردا، وزەندەر مەن كولدەردە قوقىستاردان تازارتۋ، اعاش، گۇل جانە بۇتالاردى كوپتەپ وتىرعىزۋ، عيماراتتاردىڭ قاسبەتتەرىن جۋۋ، شاعىن ارحيتەكتۋرالىق نىسانداردى، قورشاۋلاردى، بالالار مەن سپورت الاڭدارىن جوندەۋ جانە بوياۋ جۇمىستارى جۇرگىزىلۋدە.
بۇعان دەيىن 1 مامىر – قازاقستان حالقىنىڭ بىرلىگى كۇنىندە استانادا دا سۋبۇرقاقتار ىسكە قوسىلاتىنى حابارلانعان بولاتىن.