تاڭ اتا الماتى تۇرعىندارى الەۋمەتتىك جەلىلەردە سەزگەن جەراستى سىلكىنىستەرى تۋرالى جازا باستادى. بولعان وقيعانىڭ ءمان-جايىن قالالىق توتەنشە جاعدايلار دەپارتامەنتى ايتتى، دەپ حابارلايدى infohub.kz سايتى.
الەۋمەتتىك جەلىلەردە الماتىلىقتار ءوز سەزىمدەرىن ءارقالاي سيپاتتادى. Threads جەلىسىندەگى nindzyamalysh دەگەن پايدالانۋشى بىلاي دەپ جازدى: «الماتى، مەن جەر سىلكىنىسىن ءوزىم ويدان شىعارىپ الدىم با؟ ۇيدەگىلەردىڭ ەشقايسىسى سەزگەن جوق، جاڭالىق تا جوق. ءبىراق مەن گۇىلدى جانە بىرتىندەپ باسىلعان قىسقا ءدىرىلدى انىق ەستىدىم».
aminowiz دەگەن لاقاپ اتپەن جازىلعان تاعى ءبىر پايدالانۋشى: «ۋاقىت 6:34، الماتىدا مەتەوريت تۇسكەندەي بىردەڭە قۇلاعانداي بولدى ماعان. كورشىلەر بىردەڭە ءتۇسىرىپ الدى دەپ ويلادىم. ءبىراق توپتاعى دوستارىم ولاردا دا قانداي دا ءبىر شۋ بولعانىن جازدى. مىنە، وسىنداي ءبىر سەكۋندتىق جەر سىلكىنىسى دە بولادى ەكەن، ال ەسكەرتۋ كەلمەيدى»، — دەپ اتاپ ءوتتى.
كەيبىر قالا تۇرعىندارى سىلكىنىستەن ءۇي قابىرعالارى دىرىلدەگەنىن ايتتى. orazgul.nt اككاۋنتىندا بىلاي دەلىنگەن: «الماتى، 06:33-تە جەر سىلكىنىسى بولدى، ءتىپتى قاتتى كۇشتى سوققى بولدى، قابىرعالار دىرىلدەدى! ءبىز ناۋرىزباي اۋدانىندامىز، جەكە ءۇي، تاعى كىم سەزدى؟ جەرگە اۋىر بىردەڭە قۇلاعانداي».
الايدا الماتى تجد مەگاپوليستە سەزىلمەگەنىن مالىمدەدى. ۆەدومستۆو قازاقستان رەسپۋبليكاسى توتەنشە جاعدايلار مينيسترلىگىنىڭ سەيسمولوگيالىق باقىلاۋلار مەن زەرتتەۋلەر ۇلتتىق عىلىمي ورتالىعىنىڭ مالىمەتتەرىنە سىلتەمە جاسادى.
وندا بۇگىن استانا ۋاقىتىمەن 06:32-دە قازاقستان اۋماعىندا سەيسميكالىق وقيعا تىركەلگەنى راستالدى. «الماتى قالاسىندا سەزىلمەدى. جەر سىلكىنىسىنە بايلانىستى وقيعالار مەن وتىنىشتەر تۋرالى حابارلامالار الماتى قالاسىنىڭ تجد-عا تۇسكەن جوق»، — دەدى ءباسپاسوز قىزمەتىندە.