الماتى تاۋلارىندا سەرۋەندەپ ءجۇرىپ اياعىن جاراقاتتاعان جۇڭگو ازاماتىنا جانە تومەن ءتۇسۋ كەزىندە اياعىن بۇراپ العان 1972 جىلى تۋعان ايەلگە قۇتقارۋشىلاردىڭ كومەگى قاجەت بولدى، دەپ حابارلايدى infohub.kz سايتى.
NUR.KZ اگەنتتىگىنىڭ قازاقستان رەسپۋبليكاسى توتەنشە جاعدايلار مينيسترلىگىنە سىلتەمە جاساپ حابارلاۋىنشا، جۇڭگو ازاماتى ەكى قىزبەن بىرگە ۇلكەن الماتى شاتقالىنىڭ ماڭىندا بولعان. سەرۋەن كەزىندە تۋريست اياعىن بۇراپ الىپ، ءارى قاراي ءوز بەتىمەن جۇرە الماعان.
«وقيعا ورنىنا "باۋ" باقىلاۋ-قۇتقارۋ پۋنكتىنەن قۇتقارۋ ەكيپاجى جىبەرىلدى. بارلاۋ بارىسىندا قۇتقارۋشىلار توپتىڭ قيالداعى ورنىن انىقتادى»، — دەپ مالىمدەدى ۆەدومستۆودا.
زارداپ شەككەن ادامعا العاشقى مەديسينالىق كومەك كورسەتىلىپ، كەيىن ونى نوسيلكامەن قيالدان تومەن، جەدەل جاردەم كولىگىنە دەيىن جەتكىزدى.
تاعى ءبىر وسىنداي وقيعا الماتى تاۋلارىندا كەشە كەشكە بولدى. مەدەۋ اۋدانىندا، 3053 مەتر بيىكتىكتەگى "ەنتۋزياستار" الاڭىندا، الماتى قالاسىنىڭ مونيتورينگ جانە جەدەل دەن قويۋ ورتالىعىنىڭ قۇتقارۋشىلارى قازاقستان رەسپۋبليكاسى توتەنشە جاعدايلار مينيسترلىگىنىڭ "بارىس" رەسپۋبليكالىق قۇتقارۋ قىزمەتىمەن بىرلەسىپ، 1972 جىلى تۋعان ايەلگە كومەك كورسەتتى.
تۋريست ايەل دە تومەن ءتۇسۋ كەزىندە اياعىن بۇراپ العان. قۇتقارۋشىلار ايەلدى تومەنگە شىعارىپ، اپات مەديسيناسى ورتالىعىنىڭ بريگاداسىنا تاپسىردى.