الماتى پروكۋراتۋراسى سوت ارقىلى قالا ورتالىعىندا ورنالاسقان بۇرىنعى تەمىرجول اۋرۋحاناسىنىڭ جەرى مەن عيماراتىن مەملەكەت مەنشىگىنە قايتاردى. شىعارىلعان اكتيۆتەردىڭ جالپى قۇنى 2 ملرد تەڭگەدەن اسادى، دەپ حابارلايدى infohub.kz.
نىسان مەن وعان ىرگەلەس جەرلەر بۇرىن تەمىرجول اپاتتار مەديسيناسى گوسپيتالىنە تيەسىلى بولعان. 2018 جىلى ءبىرقاتار مامىلەلەر ناتيجەسىندە م ۇلىك باسەكەلەس ورتادان تىس جەكە مەنشىككە شىعارىلعان. سوتتا المالى اۋدانىنىڭ پروكۋرورلارى جەر مەن جىلجىمايتىن م ۇلىكتى ساتۋ قازاقستاننىڭ جەر جانە م ۇلىك زاڭناماسىن اينالىپ وتكەنىن، ال مامىلەلەر تىزبەگىنە قاتىسۋشىلاردىڭ ءوزارا بايلانىستى تۇلعالار ەكەنىن دالەلدەدى.
بۇعان دەيىن قالا پروكۋراتۋراسى اتقارۋشىلىق ءىس جۇرگىزۋ بويىنشا ساۋدا-ساتتىقتى جويىپ، نىساننىڭ ءۇشىنشى تۇلعالارعا قايتا ساتىلۋىنا جول بەرمەگەن. سوت مەملەكەتتىك م ۇلىكتى يەلىكتەن شىعارۋ بويىنشا بارلىق مامىلەلەردى جارامسىز دەپ تانىدى. ناتيجەسىندە مەملەكەتكە: اۋدانى 1628 شارشى مەتر عيمارات، جالپى اۋدانى 0،3 گا ەكى جەر تەلىمى قايتارىلدى. م ۇلىكتىڭ جالپى باعاسى — 2 ملرد تەڭگەدەن استام. اپەللياسيالىق القا شەشىمدى وزگەرىسسىز قالدىردى.
بۇرىنعى تەمىرجول اۋرۋحاناسىنىڭ عيماراتى ءوزىنىڭ كولوننالارى، اركالارى، ساۋلەتتىك اشەكەيلەرى مەن ۇلتتىق ويۋ-ورنەكتەرى بار ساۋلەتىمەن الماتىلىقتاردىڭ نازارىن اۋدارعان. ول 1948–1950 جىلدارى ساۋلەتشى كۋدرياۆسەۆتىڭ جوباسى بويىنشا سالىنعان جانە باستاپقىدا تۇركسىب اۋرۋحاناسى دەپ اتالعان. 2024 جىلى اباي داڭعىلى مەن ماسانچي كوشەسىنىڭ قيىلىسىندا ورنالاسقان عيماراتتا ءورت بولدى: ەكىنشى قاباتتا قوقىس جانىپ كەتكەن. ءورت تەز ءسوندىرىلدى، ءبىراق ىزدەرى قالدى.