الماتى بيزنەس جانە كوممۋنيكاسيالار كوللەدجىندە ديپلوم تابىستاۋ ءراسىمى كەزىندە ءبىر تۇلەك ءوز ديپلومىن جىرتقان بولىپ، الەۋمەتتىك جەلىدە قىزۋ تالقىلاۋ تۋدىردى. كەيىن بۇل ناعىز ديپلوم ەمەس، الدىن الا دايىندالعان ەكىنشى مۇقابا ەكەنى انىقتالدى، دەپ حابارلايدى sn.kz سايتى.
پايدالانۋشىلاردىڭ پىكىرلەرى ەكىگە ءبولىندى: بىرەۋلەر مۇنى تاپقىر ءازىل جانە كرەاتيۆتى پەرفورمانس دەپ باعالاسا، ەندى بىرەۋلەر مۇنداي ارەكەتتى ورىنسىز دەپ ساناپ، ديپلوم تابىستاۋ – وقىتۋشىلار ەڭبەگى مەن تۇلەك جەتىستىكتەرى باعالاناتىن ماڭىزدى ءراسىم ەكەنىن ەسكە سالدى.
ءۇشىنشى توپتاعى پايدالانۋشىلار بولعان وقيعانى ءازىل رەتىندە قابىلداۋعا شاقىرىپ، ەشقانداي رەسمي قۇجاتقا زاقىم كەلمەگەنىن اتاپ ءوتتى.