الماتىدا پوليسيا قىزمەتكەرلەرى تۇنگى پىشاقتاسۋعا قاتىستى دەپ كۇدىكتەلگەن التى ءجاسوسپىرىمدى ءىزىن سۋىتپاي ۇستادى، دەپ حابارلايدى inbusiness.kz قالالىق پوليسيا دەپارتامەنتىنە سىلتەمە جاساپ.
ءتۇن ورتاسى شاماسىندا «102» پۋلتىنە كوشەدە پىشاق ۇستاعان ءبىر توپ جاسوسپىرىمدەر تۋرالى حابارلاما ءتۇستى. پوليسيا قىزمەتكەرلەرى بىرنەشە مينۋت ىشىندە وقيعا ورنىنا جەتتى.
قۇقىق قورعاۋ ورگاندارى جانجال بارىسىندا ءبىر ءجاسوسپىرىمنىڭ پىشاق جاراقاتىن العانىن انىقتادى. باعدار الىپ، «بۋران-308» ەكيپاجى التى كۇدىكتىنى جەدەل ۇستادى.
ۇستاۋ كەزىندە ولاردىڭ كەيبىرەۋىنىڭ كيىمىنەن قانعا ۇقساس ىزدەر تابىلدى. سونداي-اق تەرگەۋ ءۇشىن ماڭىزى بار زاتتار الىندى.
بارلىق ۇستالعاندار اۋەزوۆ اۋدانىنىڭ پوليسيا باسقارماسىنا جەتكىزىلىپ، وندا تەرگەۋ امالدارى جۇرگىزىلۋدە.
قازىرگى ۋاقىتتا تەرگەۋشىلەر وقيعانىڭ تولىق حرونولوگياسىن، جانجالدىڭ سەبەپتەرىن، ءار قاتىسۋشىنىڭ ءرولىن، سونداي-اق تىكەلەي پىشاق جاراقاتىن سالعان ادامنىڭ جەكە باسىن انىقتاۋدا.