الماتىدا سينتەتيكالىق ەسىرتكىنى زاڭسىز ساقتاۋ جانە تاراتۋعا كۇدىكتى 40 جاستاعى ەر ادام ۇستالدى. جەدەل-ىزدەستىرۋ ءىس-شارالارى بارىسىندا پوليسيا قىزمەتكەرلەرى 400-دەن استام وراما بەلگىسىز زاتتى تاركىلەدى. ونىڭ شىعۋ تەگىن ساراپتاما انىقتايدى، دەپ حابارلايدى infohub.kz.
ۇستالۋ الاتاۋ اۋدانىندا بولدى. پوليسيا مالىمەتىنشە، «جەكە تەكسەرۋ كەزىندە ودان ونداعان دايىندالعان وراما تابىلدى. تاعى جۇزگە جۋىق وسىنداي بۋمانى پوليسەيلەر كۇدىكتىنىڭ كولىگىنەن تاركىلەدى».
كۇدىكتىنىڭ تۇرعىلىقتى جەرىندە ءتىنتۋ جۇرگىزۋ كەزىندە قۇقىق قورعاۋ ورگاندارىنىڭ قىزمەتكەرلەرى زاتتار، ەلەكتروندى تارازى، وراۋ ماتەريالدارى جانە وراۋعا قولدانىلعان باسقا دا بۇيىمداردى تاپتى. سونىمەن قاتار، «قالا اۋماعىندا جابدىقتالعان بەس تاسادان پوليسيا قىزمەتكەرلەرى ساراپتامالىق زەرتتەۋگە جىبەرىلگەن تاعى ءۇش جۇزدەن استام وراما زاتتى انىقتاپ، تاركىلەدى»، — دەپ قوستى پوليسيا.
وسى فاكت بويىنشا سوتقا دەيىنگى تەرگەۋ جۇرگىزىلۋدە. پوليسەيلەر تاركىلەنگەن زاتتاردىڭ شىعۋ تەگىن انىقتاپ، ولاردىڭ تاراتۋ جولدارىن جانە ءىستىڭ وزگە دە ءمان-جايلارىن تەكسەرەدى.