الماتىدا ۇلكەن الماتى وزەنىنىڭ جاڭادان جاڭارتىلعان جاعالاۋىنداعى باسپالداقتاردىڭ ب ۇلىنگەنى تۋرالى كادرلار الەۋمەتتىك جەلىلەردە تارادى. كوپ ميللياردتىق قايتا جاڭعىرتۋ جۇمىستارى ەندى عانا اياقتالعان بولاتىن. قالالىق ەكولوگيا جانە قورشاعان ورتانى قورعاۋ باسقارماسى بۇعان ۆانداليزم سەبەپ بولعانىن مالىمدەدى، دەپ حابارلايدى infohub.kz سايتى.
جاعالاۋدا تۇسىرىلگەن بەينەجازبا egovpress Telegram-ارناسىندا جاريالاندى. كادرلاردا جاڭا باسپالداقتىڭ ءبىر بولىگى قيراعانى كورىنەدى.
NUR.KZ ءتىلشىسى الماتى اكىمدىگىنىڭ ءباسپاسوز قىزمەتىنە سۇراۋ جولداپ، وندا قالالىق ەكولوگيا جانە قورشاعان ورتانى قورعاۋ باسقارماسىنىڭ جاۋابىن بەردى.
«ۇلكەن الماتى وزەنىنىڭ بويىنداعى اباتتاندىرۋ الاڭىندا جەكە ءجۇرىپ-تۇرۋ قۇرالدارىمەن (ساموكاتتارمەن) جۇرەتىن ادامداردىڭ ۆاندالدىق ارەكەتتەرى سالدارىنان اباتتاندىرۋدىڭ جەكەلەگەن ەلەمەنتتەرىنىڭ ب ۇلىنگەنى انىقتالدى. قازىرگى تاڭدا مەردىگەر ۇيىم كەپىلدىك مىندەتتەمەلەر اياسىندا ءوز قاراجاتى ەسەبىنەن انىقتالعان اقاۋلاردى جويۋ جانە ب ۇلىنگەن ەلەمەنتتەردى قالپىنا كەلتىرۋ جۇمىستارىن جۇرگىزۋدە»، — دەدى باسقارمادا.
شارت تالاپتارىندا 3 جىلدىق كەپىلدىك مەرزىمى قاراستىرىلعانى اتاپ ءوتىلدى. وسى كەزەڭدە كەپىلدىك مىندەتتەمەلەرگە جاتاتىن اقاۋلاردى مەردىگەر ۇيىم جويۋعا ءتيىس.
باسقارما سونداي-اق اقاۋلارى جويىلعان باسپالداقتاردىڭ سۋرەتتەرىن ۇسىندى.