الماتىنىڭ الاتاۋ اۋدانىندا ۇلكەن الماتى كانالىنىڭ جاعالاۋىندا سالىناتىن « ۇلى دالا» سكۆەرىنىڭ ەسكيزدەرى ۇسىنىلدى، دەپ حابارلايدى infohub.kz سايتى.
الاتاۋ اۋدانىنىڭ اكىمى دانيار كيريكبايەۆ وڭىرلىك كوممۋنيكاسيالار قىزمەتىندەگى بريفينگتە ايتقانداي، سايالى شاعىن اۋدانىندا اق-قاينار كوشەسىنىڭ قيىلىسىندا، ۇلكەن الماتى كانالىنىڭ بويىندا سەنسورلىق سوقپاعى بار « ۇلى دالا» سكۆەرىن اباتتاندىرۋ جۇمىستارى ءقازىردىڭ وزىندە ءجۇرىپ جاتىر. ونىڭ ايتۋىنشا، جوبانىڭ قۇنى — 273،2 ملن تەڭگە.
«جوبا اياسىندا دەكوراتيۆتى جارىعى بار جەڭىل ساۋلەت قۇرىلىمدارىن، ارت-نىساندار مەن جارىق تىرەۋىشتەرىن ورناتۋ كوزدەلگەن. سونىمەن قاتار اعاش پەن بۇتا وتىرعىزۋ، اۆتوماتتاندىرىلعان سۋارۋ جۇيەسىن ورناتۋ جانە وزگە دە ىلەسپە جۇمىستار جوسپارلانعان»، — دەدى اكىم.
سكۆەردىڭ جالپى اۋدانى — 1،2 گا.