الماتىدا 200-گە جۋىق وتباسى جاڭا اۆتوجولدىڭ قۇرىلىسىنا بايلانىستى بۇزىلاتىن ۇيلەرىنەن ايىرىلىپ قالۋدان قاۋىپتەنەدى. جىلجىمايتىن م ۇلىك يەلەرى ۇسىنىلىپ وتىرعان وتەماقى تىم از دەپ وتىر، دەپ حابارلايدى infohub.kz سايتى.
قايرات شاعىن اۋدانىنىڭ تۇرعىندارى اكىمدىكتىڭ ۇيلەردى بۇزۋ تۋرالى شەشىمىنە نارازىلىق بىلدىرۋدە. كتك تەلەارناسىنىڭ مالىمەتىنشە، بۇزىلۋ ءقاۋپى تونگەن 197 ءۇي بار. يەلەرى جەر تەلىمدەرىنىڭ باعاسى وتە تومەن باعالانعانىن ايتادى: ءبىر سوتىق ءۇشىن 6،5 ملن تەڭگە ۇسىنىلىپ وتىر، ال نارىقتىق قۇنى ەكى ەسە جوعارى.
«مەن اۋىلدان كەلدىم، ويتكەنى اۋىلدا جۇمىس جوق ەدى. ءبىز رەزەڭكە ەتىكپەن نەمەسە اياعىمىزعا پاكەت كيىپ جۇرەتىنبىز – لاس بولدى. ءبىز بارلىق ينفراقۇرىلىمعا اقشا سالدىق: اسفالتقا ءوزىمىز تولەدىك، كارىزگە ءوزىمىز تولەدىك. وركەنيەت كەلدى، اسفالت توسەلدى – ەندى ءبىزدى ۇيلەرىمىزدەن شىعارىپ جاتىر. بىزگە وتە وكىنىشتى»، – دەدى زۋحرا اليەۆا.
«ءبىر سوتىق جەردىڭ نارىقتىق قۇنى شامامەن 12 ملن تەڭگە، ويتكەنى بۇل شاعىن اۋداننىڭ ورنالاسقان جەرى وتە جاقسى. وسى جەردەن قالاعا جەتۋ وڭاي، مۇندا گاز ورناتىلدى، اسفالت توسەلدى – مۇنىڭ ءبارى تۇرعىنداردىڭ كۇشىمەن جاسالدى»، – دەدى رەسپۋبليكالىق زاڭگەرلەر القاسى ءتوراعاسىنىڭ كەڭەسشىسى عابيت ومىربەكوۆ.
ۆەرا جەلەزنياك كوتتەدجدى 16 جىل بۇرىن ساتىپ العان. ۇيدە ەكى قابات، بەس بولمە بار. جاقىندا كۇردەلى جوندەۋ اياقتالدى. ءۇي يەسى مۇندا كوپ كۇش پەن اقشا سالعانىن ايتادى. «ءبىز بارلىق تەرەزەنى اۋىستىردىق، كافەلدى اۋىستىردىق، دارەتحانالاردى جاڭارتتىق، جاڭا جيھاز تاپسىرىس بەردىك. تۇسىنەسىز بە؟ باسقا اۋدانعا كوشۋ، قايتادان ءبارىن باستان باستاۋ: لاس جولدار، كارىز جوق، تازا سۋ جوق، ينتەرنەت جوق، كوگالداندىرۋ جوق، مەنى قۋانتاتىن جاسىل جەلەك جوق. مۇندا مەنىڭ جۇزىمدىگىم بار، ءجۇزىمنىڭ ءتورت ءتۇرى وسەدى. مەنىڭ ءۇيىم – مەنىڭ جانىم، مەنىڭ ءومىرىم. ءقازىر مەنى ءوزىم ءۇشىن سالعان نارسەدەن ايىرۋدى قالايدى. ال قايدا كەتەمىز؟» – دەيدى ۆەرا جەلەزنياك.
الايدا شەنەۋنىكتەر جول قۇرىلىسى بولاتىنىن راستادى. اكىمدىك ءبىر سوتىق جەر ءۇشىن يەلەرىنە 6،5 ملن تەڭگەگە جۋىق ۇسىنىلاتىنىن راستادى. ۇيلەر بولەك باعالانادى: ماتەريالى، سالىنعان جىلى، جوندەۋى ەسكەرىلەدى. جاسىل جەلەكتەر ءۇشىن دە وتەماقى تولەنەتىنىن ۋادە ەتتى. «ءتۇسىنۋ ءۇشىن ايتامىن، الماتى قالاسىندا بوس جەر تەلىمدەرى جوق. 197 مەنشىك يەسىنە قاۋلى قابىلداندى – جەر تەلىمدەرىن مەملەكەت مۇقتاجدىعى ءۇشىن الىپ قويۋ تۋرالى قاۋلى. ءبىر سوتىق جەر ءۇشىن – 6 ملن ەمەس، 6،4 ملن تەڭگە. باعالاۋ كومپانياسى سالىستىرمالى تۇردە تالداۋ جۇرگىزەدى. شەنەۋنىكتەر: ەگەر تۇرعىندار باعامەن كەلىسسە، ولارعا كوشۋگە ءبىر اي ۋاقىت بەرىلەدى. سوماعا كوڭىلى تولماعاندارعا سوتقا جۇگىنۋگە كەڭەس بەرەدى»، – دەپ ءتۇسىندىردى الماتى جەر قاتىناستارى باسقارماسىنىڭ الىپ قويۋ ءبولىمىنىڭ باسشىسى مۇحتار قولبايەۆ.
ەسكە سالايىق، مامىر ايىندا قايرات شاعىن اۋدانىنداعى 197 جەر تەلىمىن مەملەكەت مۇقتاجدىعى ءۇشىن الىپ قويۋ جوسپارلانعانى بەلگىلى بولدى. مۇنداي قاۋلىعا الماتى اكىمى دارحان ساتىبالدى قول قويعان.