الماتىدا سوت شەشىمىمەن بەگالين كوشەسى، 140 ۇيگە سالىنعان ەكى قاباتتى قوسىمشا عيمارات بۇزىلۋدا. بۇل تۋرالى infohub.kz سايتى حابارلايدى.
قالا قۇرىلىس باقىلاۋ باسقارماسىنىڭ مالىمەتىنشە، تۇرعىن ۇيگە قوسىمشا عيمارات پەن ۇستىڭگى قاباتتىڭ قۇرىلىسى ساۋلەت-جوسپارلاۋ تاپسىرماسى مەن تەحنيكالىق جوباسىز جۇرگىزىلگەن.
"مەنشىك يەسىنە قاتىستى اكىمشىلىك شارا قولدانىلىپ، بۇزۋشىلىقتاردى جويۋ تۋرالى نۇسقاما بەرىلدى. نۇسقاما تالاپتارى ورىندالماعان سوڭ، باسقارما سوتقا تالاپ-ارىز بەرگەن"، — دەلىنگەن حابارلامادا.
2025 جىلعى 24 قاڭتاردا مەدەۋ اۋداندىق سوتىنىڭ شەشىمىمەن باسقارمانىڭ تۇرعىن ۇيگە سالىنعان ۇستىڭگى قابات پەن ەكى قاباتتى قوسىمشا عيماراتتى بۇزۋ تۋرالى تالاپ-ارىزى قاناعاتتاندىرىلدى.
مەنشىك يەسى سوت شەشىمىن ورىنداۋ ماقساتىندا نىساندى بۇزۋ جۇمىستارىن ءوز بەتىمەن باستادى.