الداعى جەكسەنبىدە، 16 تامىزدا، الماتىدا قالانىڭ نەگىزگى ماگيسترالدارىندا كولىك قوزعالىسىنا ۋاقىتشا شەكتەۋلەر ەنگىزىلەدى. بۇل اۋەسقويلار مەن ارداگەرلەر اراسىنداعى Gran Fondo World Championship ۆەلوجارىسىنىڭ وتۋىنە بايلانىستى، دەپ حابارلايدى infohub.kz سايتى.
الماتى اكىمدىگىنىڭ مالىمەتىنشە، جارىسقا الەمنىڭ 20-دان استام ەلىنەن مىڭعا جۋىق سپورتشى قاتىسادى. ءىس-شارا 16 تامىزدا وتەدى، ال قاتىسۋشىلار مەن كورەرمەندەردىڭ قاۋىپسىزدىگىن قامتاماسىز ەتۋ ءۇشىن ءال-فارابي داڭعىلى مەن شىعىس اينالما اۆتوموبيل جولىنىڭ (شواج) جەكەلەگەن ۋچاسكەلەرىندە قوزعالىس سحەماسى وزگەرتىلەدى.
05:30-دەن 06:40-قا دەيىن دوستىق داڭعىلىنان تالعار تراكتىسىنە دەيىنگى ارالىقتا ءال-فارابي داڭعىلى مەن شواج بويىنشا قوزعالىس ۋاقىتشا شەكتەلەدى. سونىمەن قاتار، 05:30-دەن 10:30-عا دەيىن دوستىق داڭعىلىنان ناۋاي كوشەسىنە دەيىنگى ءال-فارابي داڭعىلىنىڭ ۋچاسكەسىندە دە شەكتەۋلەر قولدانىلادى.
اكىمدىك بۇل شارالار جارىسقا قاتىسۋشىلار مەن جول قوزعالىسىنىڭ قاۋىپسىزدىگىن قامتاماسىز ەتۋ ءۇشىن ەنگىزىلەتىنىن اتاپ ءوتتى. جۇرگىزۋشىلەردىڭ وزگەرىستەردى ەسكەرىپ، باعدارىن الدىن الا جوسپارلاۋى سۇرالادى.