الماتىدا Wildberries كومپانياسىنىڭ سالىنىپ جاتقان لوگيستيكالىق ورتالىعى توڭىرەگىندە ءتىنتۋ مەن تەحنيكانى مورلەۋگە بايلانىستى وقيعا ورىن الىپ، الايدا قىلمىستىق ءىس توقتاتىلدى، دەپ حابارلايدى infohub.kz سايتى.
NUR.KZء-تىڭ مالىمەتىنشە، ءىرى Wildberries كومپانياسى قىلمىستىق ىسكە تارتىلىپ قالعان. جاعدايدى ينۆەستورلاردىڭ قۇقىقتارىن قورعاۋ كوميتەتى الماتى پروكۋراتۋراسىمەن بىرلەسىپ زەردەلەگەن.
ينۆەستورلاردىڭ قۇقىقتارىن قورعاۋ كوميتەتىنىڭ سايتىندا حابارلانعانداي، ولارعا الماتىداعى Wildberriesء-تىڭ سالىنىپ جاتقان لوگيستيكالىق ورتالىعىنىڭ اۋماعىندا تەرگەۋ ارەكەتتەرى جۇرگىزىلگەنى تۋرالى اقپارات كەلىپ تۇسكەن: ءتىنتۋ جۇرگىزىلىپ، تەحنيكا مورلەنگەن.
كوميتەتتىڭ تاپسىرماسى بويىنشا الماتى قالاسىنىڭ پروكۋراتۋراسى قىلمىستىق ءىستى تىركەۋدىڭ زاڭدىلىعى مەن قابىلدانعان پروسەستىك شەشىمدەردى جان-جاقتى تەكسەرگەن.
«قۇرىلىس جۇمىستارىن ورىنداۋ بارىسىندا مەردىگەر مەن قوسالقى مەردىگەر اراسىندا داۋ تۋىنداعانى جانە ول تەك ازاماتتىق-قۇقىقتىق سيپاتتا بولعانى انىقتالدى. قىلمىستىق قۋدالاۋعا نەگىز بولماعان»، — دەپ ناقتىلادى كوميتەتتە.
سوتقا دەيىنگى ءىس جۇرگىزۋ كەزەڭىندە ينۆەستوردىڭ قۇقىقتارىن قورعاۋعا جانە جوبانى ىسكە اسىرۋعا ودان ءارى كەرى اسەر ەتۋدىڭ الدىن الۋعا مۇمكىندىك تۋعانى حابارلانادى.
«2026 جىلعى 2 قىركۇيەكتە قىلمىس قۇرامىنىڭ بولماۋىنا بايلانىستى قىلمىستىق ءىس توقتاتىلدى. سونىمەن قاتار كىنالى لاۋازىمدى تۇلعالاردى تارتىپتىك جاۋاپكەرشىلىككە تارتۋ ماسەلەسى قوزعالدى»، — دەدى كوميتەت پروكۋرورى راۋان الميشيەۆ.
كوميتەتتە قىلمىستىق-پروسەستىك سيپاتتاعى شارالاردى بيزنەسكە قىسىم جاساۋ قۇرالى رەتىندە پايدالانۋعا نەمەسە ينۆەستيسيالىق جوبالاردى ىسكە اسىرۋعا كەدەرگى كەلتىرۋگە بولمايتىنىن اتاپ ءوتتى.