الماتىدا 16 شىلدەدە جاڭا تەمپەراتۋرا رەكوردى تىركەلدى – اۋا +38 گرادۋس سەلسيگە دەيىن جىلىدى. بۇل وسى كۇنگە دەيىنگى ەڭ جوعارى كورسەتكىش 1976 جىلى تىركەلگەن بولسا، قازىرگى كورسەتكىش ودان اسىپ ءتۇستى، دەپ حابارلايدى infohub.kz.
الماتى جانە الماتى وبلىسى بويىنشا مەتەورولوگيالىق بولجامدار ءبولىمىنىڭ باستىعى داۋلەت كيسەباەۆتىڭ ايتۋىنشا، قالاداعى اۋا تەمپەراتۋراسى +38 گرادۋسقا جەتكەن. «16 شىلدەدەگى الدىڭعى ماكسيمۋم 1976 جىلى تىركەلگەن ەدى. تەرمومەتر باعاندارى سول كەزدە +36،1 گرادۋسقا كوتەرىلگەن بولاتىن، الايدا بۇگىنگى كورسەتكىش ودان جوعارى»، – دەدى ول.
وسى كۇنگە ارنالعان جاڭا رەكوردقا قاراماستان، الماتىداعى شىلدە ايىنىڭ ءابسوليۋتتى تەمپەراتۋرا ماكسيمۋمى ازىرگە وزگەرىسسىز قالدى. ول 1983 جىلى تىركەلگەن +43،4 گرادۋستى قۇرايدى.