بۇگىن، 17 شىلدەدە، الماتىدا سوت شەشىمى بويىنشا زاڭسىز قوسىمشا قۇرىلىستى بۇزۋ جۇمىستارى باستالدى، دەپ حابارلايدى infohub.kz سايتى.
الماتى قالالىق قالا قۇرىلىسى باقىلاۋ باسقارماسىنىڭ مالىمەتىنشە، روزىباكييەۆ كوشەسى، 249/1 ۇيىندەگى قوسىمشا قۇرىلىس بۇزىلادى. جوسپاردان تىس تەكسەرۋ بارىسىندا مەنشىك يەسىنىڭ رۇقسات قۇجاتتارىنسىز قۇرىلىس سالعانى انىقتالعان.
«مەنشىك يەسىنە قاتىستى اكىمشىلىك شارالار قولدانىلىپ، بۇزۋشىلىقتاردى جويۋ تۋرالى نۇسقاما بەرىلدى. ودان كەيىن ماتەريالدار سوتقا جولداندى. اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتتىڭ قاۋلىسىمەن قوسىمشا قۇرىلىس بۇزىلۋعا ءتيىس»، — دەپ ءتۇسىندىردى باسقارمادان.
نىساندى بۇزۋ بۇگىن قالالىق ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى.