16 قازاندا الماتىداعى جاسىل بازاردا ZVUK FESTIVAL كەشى وتەدى. جىبەك جولى داڭعىلىنداعى بازاردىڭ باس پاۆيلونى ءبىر تۇنگە بي الاڭىنا اينالادى. ءىس-شارا شىعىس پەن ۇلى جىبەك جولىنا ارنالادى. لايناپتا تۇركيا، يران، جۇڭگو جانە قازاقستاننان ەلەكتروندى مۋزىكا ورىنداۋشىلارى جينالادى، دەپ حابارلايدى infohub.kz.
كەشتىڭ حەدلاينەرى — CEM، تۇرىك تەكتى ديدجەي، بەرليندەگى Herrensauna تەحنو-قاۋىمداستىعىنىڭ نەگىزىن قالاۋشى ءارى رەزيدەنتى. سونىمەن قاتار، الماتىدا العاش رەت يراندىق ديدجەي MSIYAN مەن قىتايلىق ءارتىس LIUYANG ونەر كورسەتەدى. لايناپتا سونداي-اق Nazira feat. SAMRATTAMA، Almaty Tüni: Arsen Superfly b2b Bismildin، E.T. b2b AKEE جانە Milktea b2b APOLLA بار.
ءىس-شارانىڭ باستالۋى 20:00-گە جوسپارلانعان. بيلەتتەردى Freedom Ticketon پلاتفورماسىنان ساتىپ الۋعا بولادى.
بۇعان دەيىن Kursiv LifeStyle جاسىل بازاردىڭ كەڭ اۋقىمدى رەكونسترۋكسياعا دەيىنگى فوتورەپورتاجىن جاريالاعان بولاتىن. ەسكە سالايىق، 2026 جىلدىڭ اقپان ايىندا الماتىداعى ايگىلى بازار 2028 جىلعا قاراي جاڭا كەلبەتكە يە بولاتىنى بەلگىلى بولدى. جوبا بويىنشا، جاڭارتىلعان جاسىل بازار قالانىڭ ەسكى ورتالىعىنىڭ ءانسامبلىنىڭ بولىگىنە اينالۋى ءتيىس. بازاردىڭ ءدال قارسىسىندا Radisson Turkistan بيزنەس-كلاسس اپارت-وتەلى سالىنىپ جاتىر، ال قاڭتار ايىندا پۋشكين كوشەسىندە جاياۋ جۇرگىنشىلەر ايماعى رەسمي تۇردە اشىلدى.