الماتىدا قۇتقارۋشىلار جەكە ۇيلەردىڭ ورتەنىپ كەتۋىنە جول بەرمەدى: كەشە وڭتۇستىك استانادا ءورت شىقتى، دەپ حابارلايدى infohub.kz سايتى.
وقيعا جەتىسۋ اۋدانىنداعى كەمەل شاعىناۋدانىندا بولدى – جەكە ءۇيدىڭ شاتىرى ورتەندى. وقيعا ورنىنا تجم ءورت ءسوندىرۋ بريگادالارى جەدەل جىبەرىلدى.
تىعىز قۇرىلىس سالدارىنان ءورتتىڭ كورشى تۇرعىن ۇيلەرگە اۋىسۋ ءقاۋپى بولعان.
«ءورت سوندىرۋشىلەر ءبىر ۋاقىتتا ءورتتى ءسوندىرىپ، جاقىن ماڭداعى عيماراتتاردى قورعادى. وتتىڭ تارالۋىنا جول بەرىلمەدى. قۇتقارۋشىلار ءۇيدىڭ ىشكى بولمەلەرىنىڭ كۇيىپ كەتۋىن بولدىرمادى»، – دەلىنگەن تجم حابارلاماسىندا.
ءورت ءسوندىرىلدى. زارداپ شەككەندەر جوق.
«تجم ءورت قاۋىپسىزدىگى تالاپتارىن ساقتاۋ قاجەتتىگىن جانە توتەنشە جاعدايلار تۋرالى 112 نومىرىنە دەرەۋ حابارلاۋدى ەسكەرتەدى»، – دەدى قۇتقارۋشىلار.