الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسى جەو-2ء-نى گازعا كوشىرۋ جۇمىستارىنىڭ 2026 جىلدىڭ سوڭىنا دەيىن اياقتالۋىنا قاتىستى پىكىر ءبىلدىردى، دەپ حابارلايدى infohub.kz.
الماتى قالاسى ەنەرگەتيكا جانە سۋمەن جابدىقتاۋ باسقارماسىنىڭ جىلۋمەن جانە گازبەن جابدىقتاۋ ءبولىمىنىڭ باسشىسى نۇرلان ءابدۋالي وڭىرلىك كوممۋنيكاسيالار قىزمەتىندە وتكەن بريفينگتە جەو-2-دەگى جۇمىستار قاتاڭ كەستە بويىنشا ءجۇرىپ جاتقانىن مالىمدەدى. ونىڭ ايتۋىنشا، بارلىق قاجەتتى جابدىقتار نىسانعا جەتكىزىلىپ، قازىرگى ۋاقىتتا مونتاجداۋ جۇمىستارى جۇرگىزىلۋدە. سپىكەر جاڭا ستانسيانى گازعا كوشىرۋ ارقىلى ىسكە قوسۋ اعىمداعى جىلدىڭ سوڭىنا دەيىن جوسپارلانعانىن اتاپ ءوتتى.
ال جەو-3-كە كەلەر بولساق، ءابدۋاليدىڭ ايتۋىنشا، ول الماتى وبلىسىنىڭ اۋماعىندا ورنالاسقان جانە وبلىس اكىمدىگىنىڭ قاراماعىندا. ول بۇل ستانسيانىڭ الماتى قالاسىن جىلۋمەن قامتاماسىز ەتۋگە قاتىسى جوق ەكەنىن ءتۇسىندىردى.
ەسكە سالا كەتەيىك، 2020 جىلدىڭ قازان ايىندا الماتىداعى بارلىق جەو-نى گازعا كوشىرۋ جوسپارلانىپ وتىرعانى حابارلانعان بولاتىن. سونداي-اق، قالالىق جەو-لاردى گازعا كوشىرۋ جۇمىستارى 2026 جىلدىڭ سوڭىنا دەيىن اياقتالۋى ءتيىس ەكەندىگى بەلگىلى بولدى.