2026 جىلدىڭ باسىنان بەرى الماتىدا 3،5 مىڭ جول-كولىك وقيعاسى تىركەلدى. اپاتتارعا نەگىزىنەن قارسى جولاققا شىعۋ، جىلدامدىقتى اسىرۋ، مانەۆر جاساۋ ەرەجەلەرىن بۇزۋ، اپاتتىق جاعداي تۋعىزۋ، جول بەلگىلەرى مەن سىزىقتارىن ساقتاماۋ، سونداي-اق ماس كۇيدە كولىك جۇرگىزۋ سەبەپ بولعان. بۇل تۋرالى infohub.kz سايتى حابارلايدى.
بۇل تۋرالى وڭىرلىك كوممۋنيكاسيالار قىزمەتىندەگى بريفينگتە الماتى پوليسيا دەپارتامەنتىنىڭ رەسمي وكىلى سالتانات ازىربەك ايتتى. ونىڭ ايتۋىنشا، جىل باسىنان بەرى قالادا 1300 ماس جۇرگىزۋشى ۇستالىپ، كولىك جۇرگىزۋدەن شەتتەتىلدى. جالپى 1700 ادام اكىمشىلىك قاماۋعا الىندى – ولاردىڭ قاتارىندا ماس كۇيدە كولىك جۇرگىزگەندەر مەن قوس تۇتاس سىزىقتى كەسىپ وتكەندەر بار.