الماتى حايۋاناتتار باعىندا پرجەۆالسكي جىلقىسىنىڭ ق ۇلىنى دۇنيەگە كەلدى. وعان جەلمايا دەگەن ات قويىلدى. ق ۇلىن كۋربانكۋل اتتى بيەدەن تۋدى. بۇل – ونىڭ ەكىنشى تولى. بۇل تۋرالى الماتى اكىمدىگى حابارلادى. تولىعىراق — infohub.kz سايتىندا.
پرجەۆالسكي جىلقىسى – پلانەتاداعى ەڭ سيرەك كەزدەسەتىن جابايى جىلقى تۇرلەرىنىڭ ءبىرى. ول قازاقستاننىڭ قىزىل كىتابىنا جانە حالىقارالىق تابيعات قورعاۋ وداعىنىڭ قىزىل تىزىمىنە ەنگىزىلگەن.
الماتى حايۋاناتتار باعى جويىلىپ بارا جاتقان جانۋارلاردى – اقبوكەن، اق ايۋ، اقسۇمبە بۇركىت جانە، ارينە، پرجەۆالسكي جىلقىسىن ساقتاۋ باعدارلامالارىنا قاتىسادى. ءاربىر ءتولدىڭ دۇنيەگە كەلۋى قىزمەتكەرلەر ءۇشىن قۋانىش قانا ەمەس، سونىمەن قاتار بيوالۋانتۇرلىلىكتى ساقتاۋعا جانە جويىلىپ بارا جاتقان تۇرلەردىڭ بولاشاعىنا قوسىلعان ماڭىزدى ۇلەس سانالادى.
«جانۋارلارعا بارىنشا جايلى جاعداي جاسالادى، جۇپتار حالىقارالىق اسىلداندىرۋ باعدارلاماسىنىڭ ۇسىنىستارىنا سايكەس ىرىكتەلەدى، تۇراقتى ۆەتەريناريالىق باقىلاۋ جۇرگىزىلەدى. ءاربىر ق ۇلىننىڭ دۇنيەگە كەلۋى بۇل جۇمىستىڭ ناتيجە بەرەتىنىن جانە الەمدەگى ساقتالعان جالعىز جابايى جىلقى ءتۇرىن ساقتاۋعا كومەكتەسەتىنىن دالەلدەيدى»، – دەدى الماتى حايۋاناتتار باعىنىڭ زووۆەتەريناريا ءبولىمىنىڭ ديرەكتور ورىنباسارى اعىباي اجىبايەۆ.
قازىرگى ۋاقىتتا پرجەۆالسكي جىلقىلارىنىڭ توبى كەلۋشىلەر ءۇشىن جابىق ارنايى «تىنىش» ايماقتا ورنالاسقان. اناسى مەن ق ۇلىنىنىڭ جاعدايى جاقسى. بۇعان دەيىن پرجەۆالسكي جىلقىلارىنىڭ ءبىر توبى بەرلين حايۋاناتتار باعىنان قازاقستانعا جەتكىزىلگەنى حابارلانعان بولاتىن. بۇل جانۋارلاردىڭ قازاق دالاسىندا قالاي ءومىر ءسۇرىپ جاتقانى تۋرالى الدىڭعى جاريالانىمداردان بىلۋگە بولادى.