Alpecon Group كومپانياسى بۇعان دەيىن 9،5 ملرد تەڭگەگە جەمىس وڭدەۋ جوباسىن جۇزەگە اسىرعان بولاتىن. ەندى ول قىزىلوردا وبلىسىندا تومات پاستاسى وندىرەتىن زاۋىت سالۋعا 2،3 ملرد تەڭگە ينۆەستيسيا سالادى، دەپ حابارلايدى infohub.kz سايتى.
قىزىلوردا وبلىسىنىڭ جاڭاقورعان اۋدانىندا تومات پاستاسىن شىعاراتىن اۋقىمدى جوبانى جۇزەگە اسىرۋ جوسپارلانۋدا. Alpecon Group كاسىپورىندى جاڭعىرتۋعا جانە زاماناۋي وندىرىستىك قۋاتتار قۇرۋعا 2،3 ملرد تەڭگە ينۆەستيسيا سالادى.
كومپانيا زاۋىتتى بۇرىنعى يەسى — Atmo Agro-دان ساتىپ الۋدى كوزدەپ وتىر. تەحنولوگيالىق جابدىقتاردى جاڭارتۋ، سەحتار مەن باسقا دا نىسانداردى جوندەۋ، سونداي-اق ارنايى تەحنيكا ساتىپ الۋ جوسپارلانۋدا. زاۋىتتىڭ قۋاتى تاۋلىگىنە 600 تونناعا دەيىن تومات وڭدەيتىن بولادى.
كاسىپورىندى ىسكە قوسۋ ءۇشىن كومپانيا تومات وسىرۋگە 2،3 گەكتار سۋارمالى جەردى يگەرۋدى جوسپارلاپ وتىر. سونداي-اق تۇركىستان وبلىسىنىڭ فەرمەرلەرىنەن شيكىزات ساتىپ الۋ قاراستىرىلعان. جوبا ءوسىرۋ، وڭدەۋ جانە دايىن ءونىم شىعارۋدى بىرىكتىرەتىن تۇراقتى وندىرىستىك تىزبەكتى قالىپتاستىرۋعا مۇمكىندىك بەرەدى.
ايتا كەتەيىك، 2026 جىلدىڭ ماۋسىمىندا Alpecon Group جىلىنا 70 مىڭ توننا شيكىزات وڭدەيتىن جەمىس-كوكونىستى تەرەڭ وڭدەۋ زاۋىتىن ىسكە قوسقان بولاتىن. كاسىپورىننىڭ قۇنى 9،5 ملرد تەڭگەنى قۇرادى، قارجىلاندىرۋدى قازاقستاننىڭ دامۋ بانكى قامتاماسىز ەتتى.
Adata دەرەكتەرىنە سايكەس، Alpecon Group كومپانياسىنىڭ يەلەرى سامات بالابەكوۆ جانە ەرعالي دوسجانوۆ پەن جانارگۇل جاقىپوۆاعا تيەسىلى Capital NS كومپانياسى بولىپ تابىلادى. بيزنەسمەندەر تۋرالى قوسىمشا اقپاراتتى اشىق دەرەككوزدەردەن تابۋ مۇمكىن بولمادى.