«التىن-ەمەل» مەملەكەتتىك ۇلتتىق تابيعي پاركىندە فوتوقاقپان جىرتقىش پەن ونىڭ الەۋەتتى جەمتىگىنىڭ توسىن كەزدەسۋىن ءتۇسىرىپ الدى، دەپ حابارلايدى infohub.kz سايتى.
ق ر ەكولوگيا جانە تابيعي رەسۋرستار مينيسترلىگىنىڭ Instagram-پاراقشاسىندا جابايى تابيعات ومىرىنەن قىزىقتى ءسات كورسەتىلدى: ءبىر سۋاتقا بۇركىت پەن اقبوكەندەر قاتار كەلگەن.
«تابيعاتتا ولاردىڭ كەزدەسۋى ادەتتە مۇلدە باسقاشا سيپاتتا بولادى: ءبىرى — جىرتقىش، ەكىنشىسى — الەۋەتتى ولجا. ءبىراق بۇل جولى ءبارى باسقاشا بولدى. جاقىن كورشىلىككە قاراماستان، بۇركىت پەن اقبوكەندەر ءوزىن سابىرلى ۇستاپ، بىر-بىرىنە مۇلدەم ءمان بەرمەيدى»، — دەپ اتاپ ءوتتى ۆەدومستۆودا.
مامانداردىڭ ايتۋىنشا، بۇركىت اقبوكەننىڭ ءتولىن اۋلاي الادى، ال اقبوكەندەردىڭ ءوزى ادەتتە بۇل جىرتقىشتان اۋلاق جۇرۋگە تىرىسادى. سوندىقتان التىن-ەمەلدەگى ءبىر سۋاتتاعى مۇنداي تىنىش كورشىلىك ەرەكشە قىزىعۋشىلىق تۋدىرادى.
«مۇنداي مىنەز-ق ۇلىقتىڭ ءبىر سەبەبى — قاتتى ىستىق پەن سۋعا دەگەن قاجەتتىلىك بولۋى مۇمكىن. جازعى اپتاپتا سۋاتتار جابايى جانۋارلار ءۇشىن ەرەكشە ماڭىزعا يە، ال ءشولدى قاندىرۋ قاجەتتىلىگى كەيدە ادەتتەگى ساقتىقتان كۇشتىرەك بولۋى مۇمكىن»، — دەپ قوستى ەكولوگيا مينيسترلىگىندە.