ءاليحان بوكەيحانوۆتىڭ بەس ۇستانىمى:

ءبىرىنشى، الاش ۇلتتىق دەموكراتيالىق مەملەكەت بولۋى ءتيىس. ول ءۇشىن، ەڭ الدىمەن، "جەر، جەر جانە جەر" بولۋى كەرەك. جەرسىز وتان جوق. بوكەيحانوۆتىڭ ۇيعارىمى بويىنشا، قازاقتىڭ بايىرعى جەرىن قاشان قازاقتىڭ ءوزى عىلىم مەن تەحنيكاعا سۇيەنىپ، تولىق يگەرمەيىنشە، جەر جەكەمەنشىككە، قونىس اۋدارۋشىلارعا بەرىلمەۋى كەرەك.

ەكىنشى، الاش جەرىنىڭ استىنداعى، ۇستىندەگى، كوگىندەگى بار بايلىق قازاقتىڭ وزىنە قىزمەت ەتۋى ءتيىس. بوكەيحانوۆتىڭ سوزىمەن ايتساق، "قازاقتىڭ ءاربىر تاسى قازاقتىڭ وڭىرىنە تۇيمە بولىپ تاعىلۋى ءتيىس".

ءۇشىنشى، قازاقتىڭ جەرىندە وندىرىلگەن ءبىر ۋىس ءجۇن سول مەملەكەتتىڭ ازاماتتارىنىڭ ۇستىنە توقىما بولىپ كيىلۋى كەرەك. مەملەكەت تولىقتاي ەكونوميكالىق تاۋەلسىزدىككە قول جەتكىزۋى ءتيىس.

ءتورتىنشءى قازاق جەرىندە مەملەكەت قۇرۋشى ۇلتتىڭ ءتىلى، ءدىنى وزگە ۇلتتارعا قاراعاندا ۇستەم بولۋى كەرەك. بۇل - يدەولوگيالىق ۇستانىم بولاتىن.

ال، بەسىنشى، ەڭ نەگىزگى ۇستانىمى - تاۋەلسىز عىلىمعا، زاڭعا سۇيەنە وتىرىپ، ۇلتتىق داستۇرگە نەگىزدەلگەن جاپونيا ۇلگىسىندەگى ۇلتتىق دەموكراتيالىق مەملەكەت قۇرۋ...
(ت. جۇرتباي)