وڭتۇستىك كەنياداعى امبوسەلي ۇلتتىق ساياباعى ماڭىنان 14 ءپىلدىڭ ولەكسەسى تابىلدى. كەنيا جابايى تابيعات قىزمەتى (كجتق) بۇل وقيعاعا بايلانىستى شۇعىل تەرگەۋ باستادى. ساراپشىلار ولەكسەلەردى زەرتتەپ، ءتىن ۇلگىلەرىن زەرتحاناعا جىبەرگەن. ولىمگە اۋرۋ، ۋلانۋ نەمەسە باسقا سەبەپتەر اسەر ەتكەنى انىقتالۋدا. بۇل ايماق تانزانيامەن شەكارالاس امبوسەلي ەكوجۇيەسى دەپ اتالادى جانە جابايى تابيعاتىمەن ايگىلى. دەرەككوز: infohub.kz.
قىزمەت وكىلدەرىنىڭ ايتۋىنشا، سوڭعى ونجىلدىقتاردا بۇل ايماقتا براكونەرلىككە قارسى كۇرەس ءساتتى جۇرگىزىلگەن. پىلدەردىڭ مۇنداي جاپپاي قىرىلۋى العاش رەت تىركەلدى. ءقازىر ءولىمنىڭ ناقتى سەبەبى انىقتالمادى. ولگەن پىلدەردىڭ جاسى مەن جىنىسى ءارتۇرلى، بۇل وقيعا ءبىر عانا توپپەن شەكتەلمەگەنىن كورسەتەدى.
كجتق كوممۋنيكاسيا ءبولىمىنىڭ باسشىسى دۋنكان ۋانياما جەرگىلىكتى باق-قا بەرگەن سۇحباتىندا ولەكسەلەردىڭ امبوسەلي ۇلتتىق ساياباعىنان 15-30 شاقىرىم قاشىقتىقتاعى ءارتۇرلى جەرلەردەن تابىلعانىن ايتتى. امبوسەلي پىلدەر قورىنىڭ 2025 جىلعى مالىمەتتەرى بويىنشا، امبوسەلي ەكوجۇيەسىندە 2 مىڭنان استام ءپىل مەكەندەيدى.