قازاقستاندا امنيستيا تۋرالى زاڭدى ىسكە اسىرۋ جالعاسۋدا. ق ر ءىىم قىلمىستىق-اتقارۋ جۇيەسى كوميتەتى ءتوراعاسىنىڭ ءبىرىنشى ورىنباسارى نياز رىسپايەۆ وسى جۇمىستىڭ العاشقى قورىتىندىلارى تۋرالى مالىمدەدى، دەپ حابارلايدى infohub.kz.
نياز رىسپاەۆتىڭ ايتۋىنشا، قازىرگى ۋاقىتتا سوتتارعا 10 مىڭعا جۋىق ۇسىنىس جولدانعان. سوتتار مىڭنان استام ماتەريالدى قاراپ، ناتيجەسىندە قىلمىستىق-اتقارۋ جۇيەسى مەكەمەلەرىنەن 620 ادام بوساتىلدى.
كوميتەت وكىلى بوساتىلعان ازاماتتارعا قاتىستى اكىمشىلىك قاداعالاۋ بەلگىلەنەتىنىن اتاپ ءوتتى.
امنيستيا پروباسيا قىزمەتىنىڭ ەسەبىندە تۇرعان سوتتالعاندارعا دا قاتىستى. پروباسيا قىزمەتىنىڭ ەسەبىندە تۇرعان تاعى 724 ازامات جازانى ودان ءارى وتەۋدەن بوساتىلدى.
سونىمەن قاتار، 730-دان استام سوتتالعاننىڭ جازا مەرزىمى قىسقارتىلدى. سوتتاردا ۇسىنىستاردى قاراۋ جۇمىسى جالعاسۋدا.