قازاقستاندىق ءانشى ەرنار سادىربايەۆ، Amre دەگەن اتپەن تانىمال، 20-26 تامىز ارالىعىندا قازاندا وتكەن «نوۆايا ۆولنا-2026» مۋزىكالىق بايقاۋىنا قاتىسۋى تۋرالى ايتتى. ءارتىس فەستيۆال كەزىندە ونى قولداعانداردىڭ بارلىعىنا العىس ءبىلدىردى، دەپ حابارلايدى infohub.kz سايتى.
ءانشىنىڭ ايتۋىنشا، ول وتكەن جىلى يگور كرۋتويدىڭ رەسمي شاقىرۋىنان كەيىن بايقاۋعا قاتىسۋشى اتانعان، ءبىراق بۇعان دەيىن مۇنداي جوسپارى بولماعان. «11 جىل بۇرىن مەن «نوۆايا ۆولناعا» بويز-بەند قۇرامىندا قاتىسقان ەدىم جانە شىنىمدى ايتسام، بۇل بايقاۋعا جەكە ءارتىس رەتىندە ورالامىن دەپ ويلاماپپىن. الايدا ماەستروعا، ونىڭ شىعارماشىلىعىنا دەگەن ۇلكەن قۇرمەت پەن جەكە شاقىرۋىنا بايلانىستى قاتىسۋدى ءجون كوردىم. بۇدان كەيىن جوبادا بولعان وقيعالار — مۇلدەم باسقا اڭگىمە. وعان قايتا ورالىپ، تالقىلاپ نەمەسە باعا بەرگىم كەلمەيدى. «نوۆايا ۆولنا-2026عا» قاتىسۋىمدى كاسىبي تاجىريبە ەمەس، ومىرلىك تاجىريبە رەتىندە قابىلدايمىن. وسى تاجىريبەدەن وزىمە بەلگىلى ءبىر قورىتىندى جاسادىم جانە ول ءسوزسىز شىعارماشىلىق جولىمنىڭ ءبىر بولىگى بولىپ قالادى»، — دەدى Amre.
«ۆەچەرنيايا كازان» گازەتىنىڭ جازۋىنشا، فينالدا ءتورت ەلدەن — رەسەي، ارمەنيا، بەلارۋس جانە قازاقستاننان 12 قاتىسۋشى جەڭىس ءۇشىن كۇرەسكەن. «نوۆايا ۆولنا - 2026» جەڭىمپازى ارمەنيادان فلورا بيچاحچيان اتاندى. ەكىنشى ورىندى بايقاۋدىڭ ەڭ جاس قاتىسۋشىسى بولعان رەسەيدەن كەلگەن 16 جاستاعى اناستاسيا يۆانوۆا يەلەندى. ءۇشىنشى ورىندى رەسەيدەن TROFIM GRANN الدى.
ەسكە سالا كەتەيىك، «نوۆايا ۆولنا» باستالار الدىندا يگور كرۋتوي ديماش پەن «نوۆايا ۆولنا-2025» جەڭىمپازى Alex Lim-مەن ارحيۆتىك فوتوسۋرەتتەرمەن بولىسكەن ەدى.