نيدەرلاند استاناسىندا لگبت قاۋىمداستىعىنىڭ قۇقىعىن قورعاۋعا ارنالعان جىل سايىنعى شەرۋدە ەرەكشە ينستاللياسيا پايدا بولدى: رەسەي پرەزيدەنتى ۆلاديمير پۋتين مەن اق ءۇي باسشىسى دونالد ترامپ ءسۇيىسىپ تۇرعان جۇپ رەتىندە كورسەتىلدى، دەپ حابارلايدى infohub.kz سايتى.
Deutche Welle مالىمەتىنشە، امستەردامداعى پرايد ۇيىمداستىرۋشىلارى گوللانديالىق تانىمال عاشىقتار ءمۇسىنىن نەگىزگە الىپ، «The Kissing Couple» دەپ اتالاتىن كومپوزيسيا جاسادى. اۆتورلار ءداستۇرلى عاشىقتاردىڭ ورنىنا رەسەي مەن امەريكا كوشباسشىلارىنىڭ مۇسىندەرىن قويدى.
ينستاللياسيانىڭ بەينەجازباسى مەن فوتوسۋرەتتەرى الەۋمەتتىك جەلىلەردە تەز تارالىپ، كەڭ قوعامدىق رەزونانس تۋدىردى. كادرلاردا پۋتين مەن ترامپتىڭ مۇسىندەرى ءسۇيىسۋ ساتىندە بەينەلەنگەن، بۇل شەرۋگە قاتىسۋشىلاردىڭ نازارىن اۋداردى.
پرايد ۇيىمداستىرۋشىلارى ءوز ويلارىن بىلاي ءتۇسىندىردى: «ءبىز ارانداتۋ ءۇشىن ەمەس، بيلىكتى ءبىر ساتكە توقتاتىپ، ادامدىق بىردەڭە كورسەتۋ ءۇشىن جاسادىق. بىرلىككە كوبىنەسە بيلىك ارقىلى، ءوز پىكىرىمىزدى دالەلدەۋگە ۇمتىلۋ نەمەسە ايىرماشىلىقتاردى اتاپ كورسەتۋ ارقىلى جەتۋگە تىرىسامىز. ال ءبىز شىنايى جاقىنداسۋ جۇيەلەردەن نەمەسە ساياسي بلوكتاردان ەمەس، ادامداردان باستالادى دەپ سەنەمىز. ءبىزدىڭ وزىمىزدەن. بۇل ءارقايسىمىزدان كۇندەلىكتى كۇش-جىگەردى تالاپ ەتەدى - داۋلاردا، وتباسى اياسىندا، جۇمىستا جانە دوستار اراسىندا».