انا ءتىلى

قىزىلوردا وبلىسى، قازالى اۋدانى
قازالى اۋلى №100 مەكتەپ
شىعارعان: ج.گۋلجامال 9-سىنىپ

انا ءتىلىم
انا ءتىلىم قىمبات ماعان، دانا ءتىلىم،
قىمبات ماعان كەۋدەمدەگى دارا ءتىلىم.
اق سۇتىمەن انامنىڭ بويعا ءسىڭىپ،
ۋىلدەگەن ەڭ العاش مەنىڭ ءۇنىم.

جىرلاپ وتكەن ىبىراي مەن ابايلار،
انا تىلدە تاريحىڭ بار ادامدار!
قاسيەتتى مەنىڭ تۋعان تىلىمدە،
وشپەس ماڭگى الاۋلاعان اراي بار.

انا ءتىلىم اسقاقتاعان ءور تۇلعاڭ،
الدىندا ونىڭ دانالار دا تىك تۇرعان.
ماعجان، قاسىم، مۇقاعالي جىرلارى،
انا ءتىلدى ارداقتاۋدى ۇقتىرعان.

داق تۇسىرمەي انا ءتىلدىڭ ارىنا،
ءقادىرىن ءبىل! ساقتا وسىنى جادىڭدا.
تۋعان ءتىلدىڭ تۇنىعىنا قانباسسىڭ،
شۇبار ءتىلدىڭ تالاسساڭ سەن تاعىنا.