قازاقستاندىق سپورتشى اناستاسيا انانەۆا ازيا ويىندارى-2026-دا كانوە-جالعىزدىقتاعى گرەبنوي سلالومنان قولا جۇلدەگەر اتاندى، دەپ حابارلايدى infohub.kz سايتى.
فينالدىق جارىستا انانەۆا قاشىقتىقتى التى ايىپ سەكۋندىن قوسقاندا 127،32 سەكۋندتا ءجۇزىپ ءوتىپ، ءۇشىنشى بولىپ مارەگە جەتتى.
جەڭىستى جۇڭگو سپورتشىسى حۋان سزيۋان 114،84 سەكۋند ناتيجەسىمەن جەڭىپ الدى. ەكىنشى ورىندى تايلاندتان كەلگەن اچاراپورن دۋانگلاۆا 125،85 سەكۋندپەن يەلەندى.
ازيا ويىندارى-2026. 30 قىركۇيەك. گرەبنوي سلالوم. كانوە-جالعىزدىق. ايەلدەر:
1. حۋان سزيۋان (جۇڭگو) – 114،84. 2. اچاراپورن دۋانگلاۆا (تايلاند) – 125،85. 3. اناستاسيا انانەۆا (قازاقستان) – 127،32.
سول كۇنى، 30 قىركۇيەكتە، قازاقستانعا گرەبنوي سلالومنان تاعى ءبىر قولا مەدال اكەلگەن الەكساندر كوروبوۆ. ول ەرلەر اراسىنداعى بايداركا-جالعىزدىق فينالىندا 94،48 سەكۋند ناتيجەسىمەن ءۇشىنشى ورىن الدى.
جاپونياداعى XX جازعى ازيا ويىندارى رەسمي تۇردە 19 قىركۇيەكتە اشىلدى. جارىسقا 45 ەلدىڭ سپورتشىلارى قاتىسىپ، 460 مەدال كومپلەكتىسى ساراپقا سالىنۋدا. ازيادا-2026-دا قازاقستان قۇراماسى ساپىندا 35 سپورت تۇرىنەن 558 سپورتشى سىنعا تۇسۋدە.
ازيادا-2026 شولۋلارى: 1-كۇن، 2-كۇن، 3-كۇن، 4-كۇن، 5-كۇن، 6-كۇن، 7-كۇن، 8-كۇن، 9-كۇن، 10-كۇن.