اناستاسيا يۆلەەۆا ەفيوپياداعى حامەر تايپاسىنا كومەكتەسكىسى كەلىپ، 350 دوللارعا سيىر ساتىپ الدى، دەپ حابارلايدى infohub.kz.
الايدا بلوگەر مالدىڭ بىردەن تاماققا پايدالانىلاتىنىن كۇتپەگەن. «دوستار، بار قۇرمەتپەن، مەن بۇعان قاراي المايمىن، سەبەبى جىلاپ جىبەرەمىن. ماعان ول وتە قاتتى ايانىشتى!» — دەپ تەلەجۇرگىزۋشى ءوزىنىڭ YouTube-ارناسىنداعى جاڭا شىعارىلىمدا ەموسياسىمەن ءبولىستى.
ودان كەيىن يۆلەەۆانى تايپا سيىردىڭ قانىن ءىشىپ جاتقان ساتكە قاتىسۋعا شاقىردى. تەلەجۇرگىزۋشىنىڭ ايتۋىنشا، مۇنى مال ولگەننەن كەيىنگى العاشقى مينۋتتاردا ىستەۋ ماڭىزدى. يۆلەەۆا ءداستۇردىڭ ءمانىن ءتۇسىندىردى: «بىرىنشىدەن، قان — بۇل دا سۋ، ەكىنشىدەن، بۇل اقۋىز الۋدىڭ ءتاسىلى. تەز ءارى ساپالى اقۋىز الۋدىڭ جولى. ال داستۇردەن دە قاشىپ قۇتىلا المايسىڭ».
بلوگەرگە سيىردىڭ قانى قۇيىلعان ۇلكەن تاباق بەرىلدى. يۆلەەۆا ءدامنىڭ تۇزدى جانە جىلى ەكەنىن ايتتى. تايپا كوسەمى وعان العىس ءبىلدىردى: «وسى ايەلگە سيىر اكەلگەنى ءۇشىن راحمەت. ءقازىر ءبىز شيكى ەت، باۋىر جانە قارىن جەيمىز».
قاۋىم باسشىسى يۆلەەۆاعا تايپا ەتتى شامامەن ەكى ايدا ءبىر رەت جەيتىنىن، ال قالعان ۋاقىتتا ءشولدى دە، اشتىقتى دا باساتىن نەگىزگى تاعام — ەرەكشە سىرا ەكەنىن ايتتى.