اناتولي كاشپيروۆسكي 87 جاسىندا ومىردەن ءوتتى. ول — كەڭەستىك جانە رەسەيلىك پسيحوتەراپەۆت ءارى تەلەجۇرگىزۋشى، 1980ء-شى جىلداردىڭ سوڭىندا «ەمدەۋ» سەانستارى تۋرالى تەلەباعدارلامالارىمەن كەڭىنەن تانىمال بولعان. قايعىلى حاباردى ونىڭ ديرەكتورى سەرگەي رۋدىح جەتكىزدى. ول جۋرناليستەرگە كاشپيروۆسكيدىڭ اۋرۋحانادا قايتىس بولعانىن راستادى، دەپ حابارلايدى infohub.kz سايتى.
ربك دەرەگىنشە، اناتولي كاشپيروۆسكي كەڭەستىك جانە رەسەيلىك پسيحوتەراپەۆت ءارى تەلەجۇرگىزۋشى بولعان. 1993–1995 جىلدارى رەسەي مەملەكەتتىك دۋماسىنىڭ دەپۋتاتى قىزمەتىن اتقارعان.
ونىڭ ءومىربايانىنىڭ ءبىر پاراعى قازاقستانمەن بايلانىستى: ۇلى وتان سوعىسى جىلدارى كاشپيروۆسكي قازاقستانداعى ءبىر اۋىلدا تۇرعان.
«دارىگەر-پسيحوتەراپەۆت اناتولي كاشپيروۆسكيدىڭ دەنساۋلىق سەانستارى» باعدارلاماسى 1989 جىلعى 8 قازاننان جەلتوقساننىڭ ورتاسىنا دەيىن ورتالىق تەلەديداردىڭ ءبىرىنشى باعدارلاماسىندا ەكى اپتادا ءبىر رەت، جەكسەنبى كۇندەرى ەفيرگە شىعىپ تۇردى. باعدارلامانىڭ باستى كەيىپكەرى ءوز ءسوزىن «سپەسيفيكالىق پسيحوتەراپيالىق اسەر ەتۋ اكتىسى» دەپ اتادى، ونىڭ «ەمدىك ىقپالى» «قارىم-قاتىناستىڭ ءبىرىنشى سەكۋندىنان» باستالادى دەيدى.