«مەرسەدەس» يتاليالىق پيلوتى اندرەا كيمي انتونەللي 2026 جىلعى «فورمۋلا-1» ماۋسىمىنىڭ ونىنشى كەزەڭى – بەلگيا گران-پريىندە جەڭىسكە جەتتى، دەپ حابارلايدى infohub.kz سايتى.
جارىس سپا قالاسىنداعى اۆتودرومدا ءوتتى. انتونەللي پوۋل-پوزيسيادان ستارت الىپ، ماۋسىمداعى التىنشى جەڭىسىنە قول جەتكىزدى. 19 جاستاعى يتاليالىق پيلوت جالپى ەسەپتە 204 ۇپايمەن كوشباسشىلىعىن نىعايتتى.
ەكىنشى ورىندى «فەرراري» پيلوتى، مونەگاسك شارل لەكلەر يەلەندى. ءۇشىنشى بولىپ «رەد بۋلل» كومانداسىنان نيدەرلانديالىق ماكس فەرستاپپەن مارەگە جەتتى. ول – ءتورت دۇركىن «فورمۋلا-1» چەمپيونى.
ءتورتىنشى ورىندى تاعى ءبىر «فەرراري» پيلوتى ليۋيس حەميلتون الدى. ول ءبىرىنشى اينالىمدا تاعى ءبىر بريتاندىق – دجوردج راسسەللمەن سوقتىعىسقانى ءۇشىن بەس سەكۋندتىق ايىپپۇل الدى. «مەرسەدەس» وكىلى (راسسەلل) جارىستى اياقتاي المادى.
جالپى ەسەپتە حەميلتون 159 ۇپايمەن ەكىنشى ورىندا تۇر. راسسەلل ۇزدىك ۇشتىكتى 154 ۇپايمەن تۇيىندەيدى.