الماتى وبلىسى، پانفيلوۆ اۋدانى،
قوجبانبەت بي اتىنداعى ورتا مەكتەپتىڭ مۋزىكا ءپانى ءمۇعالىمى
ابيدوللاەۆا مەرۋەت ءاشىم قىزى

ساباقتىڭ تاقىرىبى: «اڭىزدان جارالعان اسپاپتار»
ساباقتىڭ ماقساتى: وقۋشىلاردىڭ ءان اۋەنىنە قىزىعۋشىلىعىن ارتتىرۋ، ۇلتتىق مۋزىكانى سۇيۋگە، ۇيرەنۋگە، تىڭداي، بىلۋگە باۋلۋ؛ بالالاردىڭ شىعارماشىلىعىن دامىتۋ؛ اسپاپتىڭ، مۋزىكانىڭ دامۋى، ەرەكشەلىگى تۋرالى تۇسىنىك بەرۋ.
ساباقتىڭ مىندەتى: 1. ءاندى كوڭىلدى سيپاتتا ورىنداۋعا ۇيرەتۋ
2. كوركەمدىك تالعاممەن شىعارماشىلىق ىزدەنىس داعدىلارىن دامىتۋ؛
3. حالىق مۋزىكاسىمەن سۋسىنداتۋ، وتكەن زامانداعى جانە بۇگىنگى تاڭداعى حالىق ءومىرىنىڭ بايلانىسىن ءتۇسىندىرۋ.

ساباقتىڭ بارىسى: 1. ۇيىمداستىرۋ كەزەڭى
2. ءۇي تاپسىرماسىن تەكسەرۋ. (وتكەن ساباقتاعى «جاڭا جىل» ءانىن حورمەن تىڭداۋ)
3. جاڭا ساباقتى ءتۇسىندىرۋ.

وقۋلىقپەن جۇمىس. سۋرەتتەگى اسپاپتاردى ءتۇسىندىرۋ.
جەتىگەن – ەرتە زاماننان كەلە جاتقان قازاق حالقىنىڭ شەرتىپ وينايتىن كونە مۋزىكالىق اسپاپتارىنىڭ ءبىرى. بۇراۋى جوق، تەگىس بەتىنە جەتى ىشەك تاققان، تيەك ورنىنا جەتى اسىق قويىلعان، قۇلاق كۇيىن اسىقتاردى ىلگەرىلى – كەيىندى جىلجىتۋ ارقىلى كەلتىرەدى. دىبىس ىشەكتەردى ساۋساقتارمەن ءىلىپ قاعۋ ارقىلى شىعادى. شاناعى تۇتاس اعاشتان ويىلىپ جاسالىنادى. ىشەكتەرى اتتىڭ قىلىنان تاعىلادى.
ورىس حالقىندا گۋسلي دەگەن اسپاپ بار. ەجەلگى گرەكتىڭ ارفاسى مەن قازاقتىڭ جەتىگەنى سياقتى كوپىشەكتى.
سيمبالى — بەلارۋس ەلىنىڭ كوپىشەكتى مۋزىكالىق اسپابى. دىبىسى اشىق بولعانىمەن، دىبىستالۋى وتە قىسقا، سوندىقتان سيمبالىمەن قىسقا مۋزىكالار ورىندالادى.
مۋزىكا تىڭداۋ: حالىق كۇيى «القوڭىردى» جەتىگەن مەن دومبىرادا وينالعان نۇسقاسىن تىڭداۋ.
دومبىرا مەن جەتىگەندە وينالعان نۇسقالارىن ءبىر - بىرىمەن سالىستىرۋ. دىبىس ەرەكشەلىكتەرىنە نازار اۋدارۋ.
داۋىس جاتتىعۋى: دو، رە، مي، فا، سول. ليا. سي نوتالارىن ايتۋ.
مۋزىكا الەمىندەگى باستى ماماندىق – كومپوزيتور. كومپوزيتور مۋزىكا ( ءان، بي، مارش ت. ب ) جازادى. ءاننىڭ ءسوزىن اقىن شىعارادى. ال ءبىز ءاندى، مۋزىكانى تىڭدايمىز، جانە ورىندايمىز. سوندىقتان ءبىز تىڭداۋشى جانە ورىنداۋشىلارمىز.
ءان ۇيرەنۋ: «شىرشا ءانى» (ي. نۇسىپبايەۆ، ت. مولداعالييەۆ )
دومبىرا ويناۋ: ۇيرەتىلگەن بارلىق جاتتىعۋلاردىڭ باسىن قوسىپ، ارالاس قاعىس تاسىلىمەن ۇزبەي ويناۋ.

ساباقتى بەكىتۋ: «كەل وينايىق» اتتى ءارىپ ويىنىن ويناۋ. شارتى: ءار ءارىپتىڭ استىنا جازىلعان سانداردى رەتىمەن قويسا، شەرتپەلى اسپاپتىڭ اتى شىعادى. جاۋابى: جەتىگەن
ە ە ءى ج ن ت گ
6 2 4 1 7 3 5
ساباقتى قورىتۋ:
1. تانىسقان اسپاپتاردىڭ ءبىر - بىرىنەن ايىرماشىلىعىن اتا؟
2. كۇيدە قانشا اسپاپتىڭ دىبىسى ەستىلەدى؟
3. جەتىگەن اسپابىنىڭ دىبىس بيىكتىگى قالاي ەستىلەدى؟
ۇيگە تاپسىرما: «شىرشا ءانىن» جاتتاۋ.
ساباقتى بەكىتۋ، باعالاۋ.