46 جاستاعى رەسەيلىك ءانشى ءارى اكتريسا، «بلەستياششيە» توبىنىڭ بۇرىنعى ءسوليسى جانە مانەرلەپ سىرعاناۋشى اننا سەمەنوۆيچ Instagram پاراقشاسىندا ارحيۆتىك سۋرەتتەرىن جاريالاپ، امەريكادا وتكىزگەن جىلدارىن ەسكە الىپ، نوستالگياعا بەرىلدى، دەپ حابارلايدى infohub.kz سايتى.
ونىڭ ايتۋىنشا، 1998-2001 جىلدارى ول اقش-تا اتاقتى جاتتىقتىرۋشىلار ناتاليا لينيچۋك پەن گەننادي كارپونوسوۆتىڭ توبىندا تۇرىپ، جاتتىققان. سول كەزدە جاتتىقتىرۋشىلار رەسەيدەن امەريكا قۇراما شتاتتارىنا كوشىپ، وزدەرىمەن بىرگە رەسەي قۇراماسىنىڭ ءۇش جەتەكشى بي جۇبىن الا كەتكەن.
«ءبىز وتە قاراپايىم ءومىر سۇردىك — كىشكەنتاي امەريكاندىق پانەلدى ۇيدە. ءبىر شاڭىراق استىندا يليا اۆەربۋح، يرينا لوباچەۆا، رومان كوستوماروۆ، ۆلاديمير فەدوروۆ، انجەليكا كرىلوۆا جانە مەن باس قوستىق. ءارقايسىمىزدىڭ كىشكەنتاي بولمەمىز جانە بارىمىزگە ورتاق ءبىر توڭازىتقىش بولدى. ءبىز كوپ جاتتىقتىق، قاراپايىم ءومىر سۇردىك، ءبىراق تاتۋ ەدىك!» — دەپ اڭگىمەلەدى ول.
اننا جاتتىعۋعا ۆەلوسيپەدپەن باراتىن. ال جارىستا جەڭىپ، ازداپ اقشا تاپقان سوڭ، العاشقى كولىگىن ساتىپ الدى.
«مەن قانداي باقىتتى ەدىم! سەبەبى ونى ءوزىم تاپتىم. الدىمەن ۆلاديمير فەدوروۆپەن، كەيىن رومان كوستوماروۆپەن سىرعانادىم. بۇل جىلداردى كۇلكىمەن جانە جەڭىل مۇڭمەن ەسكە الامىن. مەن وتە كوپ جۇمىس ىستەدىم جانە ءاردايىم دەرلىك اش ءجۇردىم — ءومىر بويى ارتىق سالماقپەن كۇرەستىم، ال مانەرلەپ سىرعاناۋدا وتە سىمباتتى بولۋ كەرەك ەدى. كەيدە اپتاسىنا ءبىر رەت كامپيت جەۋگە رۇقسات ەتەتىنمىن — جانە بۇل ناعىز مەرەكە بولاتىن»، — دەپ ءبولىستى ول.
ءانشى بۇل سۋرەتتەردە ول شامامەن 20 جاستا ەكەنىن اتاپ ءوتتى. ءبىراق ول سول كەزدە-اق ەڭبەك ەتۋدى، دوستىقتى ۇعىنىپ، وليمپيادا چەمپيونى بولۋدى ارماندادى.
«ءبىراق سوڭىندا مەن اتاقتى ءانشى بولدىم. سول كەزدە كىم ويلاعان، بىرنەشە جىلدان كەيىن مەن اتاقتى «بلەستياششيە» توبىنىڭ ءسوليسى بولامىن دەپ؟ ءومىر كەيدە تاڭعالارلىقتاي بۇرىلادى. سوندىقتان ەشقاشان كۇدەر ۇزبەڭىز. ەگەر ءقازىر قيىن بولسا، ەستە ساقتاڭىز: الدا ءالى دە بۇگىن ءتىپتى بىلمەيتىن مۇمكىندىكتەر كوپ. ەڭ باستىسى — ولاردى پايدالانۋدان قورىقپاۋ، باقىتتى بولۋ جانە ءومىردى ءسۇيۋ»، — دەپ قورىتىندىلادى ول.