بەلگىلى ءانشى، قازاقستاننىڭ ەڭبەك سىڭىرگەن ءارتىسى گۇلنار سيقىمباەۆانىڭ جالعىز ۇلى باير سيقىمبايەۆ ءبىر اپتادان بەرى حابارسىز كەتتى. بۇل تۋرالى جۋرناليست جازيرا بەگالى الەۋمەتتىك جەلىدەگى پاراقشاسىندا حابارلادى.
بۇل تۋرالى Infohub.kz اقپارات اگەنتتىگى حابارلايدى.
ءجۋرناليستتىڭ ايتۋىنشا، باير سيقىمباەۆتىڭ ايەلى كومەك سۇراپ، ونىڭ سۋرەتىن تاراتىپ، كوپشىلىكتەن حابار الۋعا شاقىرعان. ول داۋىسى ەرەكشە، كورىكتى ءارى تالانتتى جىگىت ەكەنى ايتىلادى.
جازيرا بەگالى وقىرماندارىن جۇمىلىپ ىزدەۋگە ۇندەپ، بايردىڭ امان-ەسەن ۇيىنە ورالۋىن تىلەدى. ءانشىنىڭ ءوزىنىڭ فەيسبۋكتەگى پاراقشاسىنا ءجيى پىكىر جازىپ وتىراتىنى، ال ونىڭ تۋعان كۇنى ناۋرىزدىڭ 27-سىندە تويلانعانى دا ايتىلعان.