Anthropic كومپانياسىنىڭ باس ديرەكتورى داريو امودەي «We Must Pace the Frontier» اتتى اشىق ەسسە جاريالاپ، تەحنولوگيا سالاسىن جاساندى ينتەللەكت قۋاتىن ارتتىرۋ قارقىنىن ادەيى باياۋلاتۋعا شاقىردى. ستارتاپ جەتەكشىسىنىڭ پىكىرىنشە، جاساندى ينتەللەكت سالاسىنداعى قارىشتاپ دامۋ عالىمداردىڭ جاسالىپ جاتقان مودەلدەردى باقىلاۋ جانە ولاردىڭ قاۋىپسىزدىگىن قامتاماسىز ەتۋ مۇمكىندىگىنەن اسىپ تۇسە باستادى، دەپ حابارلايدى infohub.kz سايتى.
امودەيدىڭ جوسپارى ءۇش نەگىزگى قادامنان تۇرادى. بىرىنشىدەن، كومپانيالار تاۋەلسىز سىرتقى باعالاۋشىلارعا (مىسالى، METR ۇيىمىنا) وزدەرىنىڭ ىشكى جۇيەلەرى مەن وقىتۋ پروسەستەرىنە قىزمەتكەرلەر رەتىندە تۇراقتى قولجەتىمدىلىك بەرۋى كەرەك. Anthropic بۇل شارانى جالعىز ءوزى ەنگىزەتىنىن حابارلادى. ەكىنشىدەن، دەموكراتيالىق ەلدەردەگى زەرتحانالار ءبىرىڭعاي قاۋىپسىزدىك ستاندارتتارىن ازىرلەۋگە جاردەمدەسۋى ءتيىس. ءۇشىنشى قادام چيپتەرگە ەكسپورتتىق شەكتەۋلەر مەن مودەل سالماقتارىنىڭ ۇرلانۋىنان قورعاۋدى ساقتاي وتىرىپ، اۆتوريتارلىق رەجيمدەرمەن ءوزارا ءىس-قيمىلدى قوسا العاندا، جاھاندىق ۇيلەستىرۋدى كوزدەيدى.
امودەيدىڭ باستاماسى IT سالاسىندا كەڭىنەن قولداۋ تاپتى. OpenAI باس ديرەكتورى سەم التمان تاۋەلسىز ساراپشىلاردى تارتۋ يدەياسىن جاريا تۇردە قولدادى، ال كاسىپكەر يلون ماسك تا دامۋ قارقىنىن باقىلاۋ قاجەتتىلىگىمەن كەلىستى.
Anthropic باسشىسىنىڭ سويلەگەن ءسوزى كومپانيانىڭ Nasdaq بيرجاسىنا شىعۋعا دايىندالىپ جاتقانى تۋرالى حابارلامالار مەن اۆتونومدى جي-اگەنتتەردىڭ باقىلاۋسىز مىنەز-قۇلقىنا قاتىستى سوڭعى وقيعالار اياسىندا بولدى.