Claude جاساندى ينتەللەكت بوتىن جاساۋشى كومپانيا وسى كۇزدە العاشقى اكسيالاردى ورنالاستىرۋعا دايىندالۋدا. ەگەر IPO ءساتتى وتسە، بۇل كومپانيا تاريحىنداعى ەڭ ءىرى IPO بولىپ، SpaceX رەكوردىن باسىپ وزۋى مۇمكىن، دەپ حابارلايدى infohub.kz.
Claude چات-بوتىن جاساعان امەريكاندىق Anthropic كومپانياسىنىڭ ينۆەستورلارى بيرجاعا شىققان كەزدە بيزنەستىڭ 2 تريلليون دوللارعا باعالانۋىن كۇتۋدە. Financial Times دەرەكتەرىنە سايكەس، العاشقى جاريا ليستينگ قازان ايىنا جوسپارلانعان. ءساتتى بولعان جاعدايدا، كومپانيانىڭ IPO-سى تاريحتاعى ەڭ ىرىسىنە اينالىپ، ماۋسىم ايىنداعى SpaceX رەكوردىن (1،77 تريلليون دوللار) باسىپ وزادى.
ينۆەستورلاردىڭ ءوپتيميزمى كورسەتكىشتەردىڭ قارقىندى وسۋىنە نەگىزدەلگەن. بولجام بويىنشا، جىل سوڭىنا قاراي Anthropicء-تىڭ جىلدىق تابىسى 100-120 ميلليارد دوللارعا جەتەدى، بۇل جىل باسىنداعى كورسەتكىشتەن ون ەسەدەن استامعا ارتىق. ەسكە سالايىق، بيىلعى مامىردا ستارتاپتىڭ باعاسى 965 ميلليارد دوللارعا جەتىپ، باستى باسەكەلەسى OpenAI-دى باسىپ وزعان ەدى.
دەگەنمەن، اكسيالاردى ورنالاستىرۋ الدىندا كومپانيا ماڭىزدى قيىندىقتارعا تاپ بولىپ وتىر. فلاگماندىق Claude مودەلىن قولدانۋ قۇنى باسەكەلەستەرىنەن جوعارى بولىپ قالۋدا، ال اقش بيلىگىنىڭ ەكسپورتتىق شەكتەۋلەرى مەن قورعانىس مينيسترلىگىمەن سوت داۋلارى ءبىرقاتار ءىرى كليەنتتەردىڭ ساقتىق تانىتۋىنا سەبەپ بولۋدا.