Apple كومپانياسى ەشقانداي رەسمي مالىمدەمە جاساماي، ساتىلىمدا قالعان بارلىق بۇرىنعى بۋىن iPhone سمارتفوندارىنىڭ باعاسىن كوتەردى. بۇل تۋرالى Engadget پورتالى جازىپ، infohub.kz سايتى حابارلادى.
جاڭا قۇرىلعىلاردىڭ تۇساۋكەسەرىندە Apple جاڭا بۋىن Apple Watch سياقتى كەيبىر گادجەتتەردىڭ باعاسى وزگەرمەگەنىن بىرنەشە رەت اتاپ ءوتتى. الايدا وتكەن جىلدارداعى قۇرىلعىلاردىڭ قىمباتتاعانى تۋرالى تەحنولوگيالىق الىپ ءۇنسىز قالدى. جۋرناليستەر رەسمي سايتتا ۇسىنىلعان بارلىق بۇرىنعى بۋىن سمارتفوندارىنىڭ باعاسى ءدال 100 دوللارعا وسكەنىن بايقادى.
بازالىق iPhone 16 ەندى بۇرىنعى 699 دوللاردىڭ ورنىنا 799 دوللاردان باستاپ ساتىلادى. وسىلايشا، قۇرىلعى 2024 جىلعى باستاپقى باعاسىنا قايتا ورالدى، دەگەنمەن بۇعان دەيىن كەلەسى بۋىن شىققان سوڭ باعاسى تومەندەگەن ەدى. بيىل ساتىلىمعا 599 دوللارعا شىققان بيۋدجەتتىك iPhone 17E ەندى ساتىپ الۋشىلارعا كەمىندە 699 دوللارعا تۇسەدى.
قىمباتتاۋ برەندتىڭ باسقا دا تانىمال مودەلدەرىنە اسەر ەتتى. 256 گيگابايت جادى بار iPhone 17 سمارتفونىنىڭ باعاسى 799 دوللاردان 899 دوللارعا، ال iPhone Air مودەلىنىڭ باعاسى 999 دوللاردان 1099 دوللارعا كوتەرىلدى. سونىمەن قاتار AirPods Pro 3 قۇلاققابىنىڭ باعاسى وزگەرگەن جوق — ساراپشىلار مۇنى ولاردا الەمدىك نارىقتا قىمباتتاپ جاتقان كىرىكتىرىلگەن جەدەل جادىنىڭ بولماۋىمەن بايلانىستىرادى.