Apple مەن Samsung كومپانيالارى Meta-نى AI كوزىلدىرىكتەردىڭ الەمدىك نارىعىنان ىعىستىرۋعا دايىندالىپ جاتىر. Apple العاشقى سمارت-كوزىلدىرىگىن 2027 جىلدىڭ ماۋسىمىندا WWDC كونفەرەنسياسىندا تانىستىرۋدى جوسپارلاپ وتىر، ال كوممەرسيالىق ساتىلىم سول جىلدىڭ كەيىنگى ايلارىندا باستالادى. ال Samsung ءوز قۇرىلعىسىن 22 شىلدەدە لوندونداعى Galaxy Unpacked شاراسىندا جاريالادى. ەكى كومپانيا دا Omdia دەرەگىنشە الەمدىك نارىقتىڭ 85،2%-ىن يەلەنىپ وتىرعان Meta-عا لايىقتى باسەكەلەس بولا الادى دەپ كۇتىلۋدە... دەپ حابارلايدى infohub.kz.
Appleء-دىڭ سمارت-كوزىلدىرىگىن ازىرلەۋ جەكەلىكتى قورعاۋ جۇيەسىن جەتىلدىرۋ قاجەتتىگىنە بايلانىستى كەيىنگە شەگەرىلدى. كۋپەرتينو كومپانياسى Vision Pro-نى ىسكە قوسۋداعى ستراتەگيانى قولدانباق: الدىمەن پلاتفورمانى ازىرلەۋشىلەرگە تانىستىرىپ، سودان كەيىن قۇرىلعىنى نارىققا شىعارادى. قۇرىلعى جەرگىلىكتى دەرەكتەردى وڭدەۋگە باسىمدىق بەرىپ، بەت-الپەتتى تانۋ جانە پايدالانۋشىلاردىڭ سۋرەتتەرىنەن AI-دى وقىتۋدان باس تارتادى. كامەراسىز نۇسقاسى دا قاراستىرىلۋدا.
ال Samsung ءوز سمارت-كوزىلدىرىگىن Google، Gentle Monster جانە Warby Parker كومپانيالارىمەن سەرىكتەستىكتە تانىستىردى. Qualcomm چيپىنە نەگىزدەلگەن مودەل Google Gemini نەيروجەلىسىن پايدالانادى. قۇرىلعى كۇزدە ساتىلىمعا شىعىپ، ناقتى ۋاقىتتاعى اۋدارما، ناۆيگاسيا جانە داۋىستىق ىزدەۋ سەكىلدى فۋنكسيالارعا يە بولادى.
ەكى كومپانيا دا Meta-عا سمارت-كوزىلدىرىك نارىعىندا باسەكەلەس بولۋ ءۇشىن وزدەرىنىڭ سمارتفون ەكوجۇيەلەرىن پايدالانۋدى كوزدەيدى.