اق ءۇي YouTube بەينەپلاتفورماسىندا ءوزىنىڭ تاۋلىك بويى جۇرەتىن Trump TV ترانسلياسياسىن ىسكە قوسقانىن حابارلادى. بۇل امەريكاندىق بۇقارالىق اقپارات قۇرالدارىمەن ۋشىققان جانجال اياسىندا بولدى، دەپ جازادى infohub.kz سايتى.
تاۋلىك بويى حابار تاراتۋدىڭ باستالعانىن اق ءۇيدىڭ X الەۋمەتتىك جەلىسىندەگى رەسمي پاراقشاسى مالىمدەدى. جازبادا بىلاي دەلىنگەن: «TRUMP TV ترانسلياسياسى ءدال ءقازىر ءجۇرىپ جاتىر. تاۋلىك بويى، ناقتى ۋاقىت رەجيمىندە جاڭارتىلىپ وتىرادى. وتكەن جىلدارداعى ۇزدىك ساتتەر، مالىمدەمەلەر جانە اكىمشىلىكتىڭ ەڭ سوڭعى جاڭالىقتارى — ءبارى ءبىر جەردە. كەيبىر ماڭىزدى وقيعالار ءالى كۇنگە دەيىن تەلەديداردان كورسەتىلمەي كەلدى، ەندى ولار كورسەتىلەدى».
Trump TV ترانسلياسياسى اق ءۇيدىڭ YouTube ارناسىندا قولجەتىمدى ەكەنى اتاپ ءوتىلدى.
ەسكە سالايىق، 18 قىركۇيەكتە اقش پرەزيدەنتى CNN، MS NOW جانە Politico تىلشىلەرىنىڭ اق ۇيگە كىرۋىنە تىيىم سالاتىنىن مالىمدەدى. سەبەبى بۇل باسىلىمدار جالعان جاڭالىق تاراتىپ جۇرگەن كورىنەدى. كەلەسى كۇنى-اق وسى باسىلىمداردىڭ جۋرناليستەرى اق ۇيگە كىرگىزىلمەگەنىن حابارلادى. وسىدان كەيىن دونالد ترامپ CNN، MSNBC جانە Politico لوگوتيپتەرى بار قوقىس قاپتارىنىڭ سۋرەتىن جاريالادى.
سودان سوڭ وتكەن اپتادا جۋرناليستەرىنىڭ اق ۇيگە كىرۋىنە تىيىم سالىنعان ءۇش اقپارات اگەنتتىگى پرەزيدەنت دونالد ترامپقا قارسى سوتقا شاعىم تۇسىرگەنى بەلگىلى بولدى.
22 قىركۇيەكتە ءبىرقاتار جەتەكشى امەريكاندىق ب ا ق اقش پرەزيدەنتى دونالد ترامپ اكىمشىلىگىنە بويكوت جاريالادى — تەلەارنالار اق ءۇي باسشىسى قاتىساتىن ءىس-شارالاردى پۋلدىق جاريالاۋدى توقتاتتى.