اتىراۋ وبلىسىندا بىرنەشە ادامنىڭ ولىمىنە قاتىستى رەزونانستى قىلمىستىق ءىس بويىنشا سوت پروسەسىندە قىزىقتى جايت ورىن الدى. سوتتا ايىپتالۋشى سۇلتان سارسەماليەۆتىڭ لومباردقا التىن بۇيىمدارىن وتكىزىپ جاتقان ءساتى كورسەتىلگەن بەينەجازبا كورسەتىلدى. بۇل ۆيدەو جەلىدە تاراپ، جۇرتشىلىقتىڭ نازارىن اۋداردى.
بۇل تۋرالى Infohub.kz اقپارات اگەنتتىگى حابارلايدى.
سوت وتىرىسىندا سارسەمالييەۆ كەيبىر ەپيزودتار بويىنشا كىناسىن مويىنداعانىمەن، ناۋرىز مۇقانعاليەۆتىڭ ءولىمى قاساقانا ەمەس، ابايسىزدا بولعانىن ايتىپ، ءبىرقاتار ايىپتارمەن كەلىسپەيتىنىن مالىمدەدى.
پسيحولوگيالىق ساراپتاما ناتيجەسى
تەرگەۋ ورگاندارىنىڭ مالىمەتىنشە، جۇرگىزىلگەن پسيحولوگيالىق-پسيحياتريالىق ساراپتاما سارسەماليەۆتىڭ قىلمىس جاسالعان ساتتە ءوز ارەكەتىنە جاۋاپ بەرە الاتىن جاعدايدا بولعانىن كورسەتكەن.
باسقا تۇلعالاردىڭ قاتىسى جوق
تەرگەۋ بارىسىندا بۇل قىلمىسقا باسقا ادامداردىڭ قاتىسى انىقتالماعانى حابارلاندى. قازىرگى تاڭدا سوت وتىرىستارى جالعاسىپ، ءىس ماتەريالدارى مەن دالەلدەمەلەر مۇقيات زەرتدەلۋدە.
ەستەرىڭىزگە سالا كەتەيىك، اتىراۋ وبلىسىنىڭ مامانداندىرىلعان اۋدانارالىق قىلمىستىق ىستەر جونىندەگى سوتىندا بۇرىنعى جۇبايىنىڭ ءتورت تۋىسىن ءولتىردى دەپ ايىپتالعان سۇلتان سارسەماليەۆكە قاتىستى ءىس قارالۋدا.