اتىراۋ وبلىسىندا قايىن جۇرتىن ءولتىردى دەگەن كۇدىككە ىلىنگەن سۇلتان سارسەماليەۆتىڭ ايەلى اقبايان مۇقانعاليەۆاعا قاتىستى قىلمىستىق قۋدالاۋ توقتاتىلدى.
بۇل تۋرالى Infohub.kz اقپارات اگەنتتىگى حابارلايدى.
اتىراۋ وبلىسى پروكۋرورىنىڭ كومەكشىسى جاندار بولاتبەكتىڭ ايتۋىنشا، تەرگەۋ بارىسىندا اقبايان مۇقانعاليەۆانىڭ كىسى ءولتىرۋ دەرەگىنە قاتىسى بار ەكەنى انىقتالماعان. سوندىقتان وعان قاتىستى قىلمىستىق قۋدالاۋ توقتاتىلدى.
قىلمىستىق ءىس بويىنشا جاڭالىقتار
الايدا، قىلمىس تۋرالى حابارلاماۋ فاكتىسى بويىنشا بولەك ءىس تىركەلگەنىمەن، وعان ءالى قۇقىقتىق باعا بەرىلگەن جوق. اقبايان مۇقانعاليەۆا بۇل ءىس بويىنشا كۇدىكتى دەپ تانىلمادى جانە وعان قاتىستى بۇلتارتپاۋ شاراسى دا قولدانىلماعان.
بۇعان دەيىن مۇقانعاليەۆاعا الماتىدا پسيحياتريالىق ساراپتاما جۇرگىزىلىپ جاتقانى حابارلانعان بولاتىن. اتىراۋ وبلىسى پروكۋراتۋراسىنىڭ مالىمەتىنشە، ساراپتاما قورىتىندىسى ازىرگە شىقپاعان. ونىڭ ارەكەتىنە قۇقىقتىق باعا پسيحيكالىق جاعدايى تولىق انىقتالعاننان كەيىن بەرىلەدى.