تانىمال جۋرناليست جانات جاقسىباي قىزى اتىراۋداعى جوعالعان وتباسى ىسىنە قاتىستى كۇدىكتىلەردىڭ ءبىرى اقبايان مۇقانعاليەۆا تۋرالى جاڭا اقپاراتتى جاريالادى. وقىرمان قاۋىم اراسىندا «اقباياندى تۋىستارى كوردى مە، نە دەيدى؟» دەگەن سۇراقتار ءجيى قويىلعانىمەن، ونىڭ جاقىندارى ازىرگە ونىمەن جۇزدەسە الماعان.
بۇل جاعداي تەرگەۋ قۇپياسىنا بايلانىستى. قۇزىرلى ورگاندار كەزدەسۋگە رۇقسات بەرمەگەن. سونىمەن قاتار، مارقۇم وتباسىنىڭ جاقىندارى اقباياننىڭ بالالار ۇيىندەگى ۇل-قىزدارىمەن دە كەزدەسۋگە تىرىسقان، الايدا زاڭ تالاپتارىنا سايكەس بۇل مۇمكىن بولمادى.
بۇل تۋرالى Infohub.kz اقپارات اگەنتتىگى حابارلايدى.
قازىرگى تاڭدا اقبايان مۇقانعاليەۆا الماتى قالاسىنداعى جۇيكە اۋرۋلارىن زەرتتەيتىن عىلىمي ورتالىقتا ەم قابىلداپ جاتىر. ءجۋرناليستىڭ ايتۋىنشا، بۇل ىسكە قاتىستى كوپتەگەن ءمان-جاي ءالى دە جاريا ەتىلمەيدى. تەرگەۋ امالدارى جالعاسىپ جاتقاندىقتان، تولىق اقپارات سوت پروسەسى بارىسىندا بەلگىلى بولادى دەپ كۇتىلۋدە.