امەريكا قۇراما شتاتتارى مەن جۇڭگو حالىق رەسپۋبليكاسى تاۋارلارعا باج سالىعىن ءوزارا 30 ميلليارد دوللارعا تومەندەتۋگە جانە جاساندى ينتەللەكت جونىندە ديالوگ باستاۋعا كەلىستى. بۇل شەشىمدەر قحر ءتوراعاسى سي ءسزينپيننىڭ ۆاشينگتونعا ساپارى اياسىندا، ونىڭ ىشىندە اقش پرەزيدەنتى دونالد ترامپپەن كەلىسسوزدەر بارىسىندا قول جەتكىزىلگەن سەگىز تارماقتىڭ قاتارىنا ەندى. بۇل تۋرالى جۇڭگو ەلشىلىگى حابارلادى، دەپ جازادى infohub.kz سايتى.
پەكين مەن ۆاشينگتون سونداي-اق بىرلەسكەن ساۋدا كەڭەسىن دامىتۋعا جانە كۋالا-لۋمپۋردەگى كەلىسسوزدەردە قول جەتكىزىلگەن ۋاعدالاستىقتاردىڭ مەرزىمىن ۇزارتۋعا كەلىستى. ەكى ەلدىڭ كوشباسشىلارى ءوز كوماندالارىنا كەلىسىلگەن شارالاردى جۇزەگە اسىرۋدى تاپسىردى. الايدا ساپار قورىتىندىلارىنىڭ جاريالانعان تىزىمىندە باج سالىعى قاي تاۋارلارعا تومەندەتىلەتىنى جانە وزگەرىستەر قاشان كۇشىنە ەنەتىنى ناقتىلانباعان.
جەكە تارماق جاساندى ينتەللەكت سالاسىنداعى ىنتىماقتاستىققا ارنالدى. تاراپتار تەحنولوگيانىڭ تاۋەكەلدەرى مەن ارتىقشىلىقتارىن تالقىلاۋدى، سونداي-اق جاساندى ينتەللەكتكە قاتىستى وقيعالار تۋرالى حابارلاۋ ءۇشىن بايلانىس ارناسىن قۇرۋدى جوسپارلاپ وتىر. ديالوگتىڭ كەلەسى كەزەڭى قاراشا ايىنا جوسپارلانعان.
سىرتقى ساياساتتا سي سزينپين مەن اقش پرەزيدەنتى دونالد ترامپ يران يادرولىق قارۋ جاساماۋ مىندەتتەمەسىن ۇستانۋى كەرەك دەگەن كەلىسىمگە كەلدى. جۇڭگو تاراپىنىڭ حابارلاۋىنشا، كوشباسشىلار سونداي-اق حالىقارالىق سۋ جولدارىنان وتكەنى ءۇشىن اقى الۋعا قارسى شىقتى. سونىمەن قاتار ەلدەر اتەس جانە G20 سامميتتەرىن وتكىزۋ كەزىندە ءبىر-بىرىن قولداۋعا كەلىستى.
سي ءسزينپيننىڭ اقش-قا ساپارى 23–25 قىركۇيەك ارالىعىندا ءوتتى.