اقش جاعالاۋىندا بەس ادام بولعان سانيتارلىق اۆياسيا تىكۇشاعى سۋعا قۇلادى. ەكى ادام قازا تاپتى، تاعى بىرەۋى ءىز-تۇزسىز جوعالعان، دەپ حابارلايدى infohub.kz سايتى.
NBC4 تەلەارناسىنىڭ مالىمەتىنشە، اۋە كەمەسى سانتا-كاتالينا ارالىنان ۇشقاننان كەيىن كوپ ۇزاماي سۋعا قۇلاعان. بورتتا بەس ادام بولعان.
«تورتەۋىن سۋدان الىپ شىعىپ، اۋرۋحاناعا جەتكىزدى. ولاردىڭ ەكەۋى قازا تاپتى، تاعى ەكەۋىنىڭ جاعدايى تۇراقتى. ارالدان ماتەريككە تاسىمالدانىپ بارا جاتقان پاسيەنت ءالى تابىلعان جوق»، — دەلىنگەن جاريالانىمدا.
اپات پەببل-بيچ جاعاجايىنىڭ ماڭىندا، اۆالون قالاسىنان شامامەن ءبىر جارىم شاقىرىم جەردە ساعات 19:50 شاماسىندا بولعان. اۋە كەمەسىنىڭ قۇلاۋ سەبەبى ازىرگە بەلگىسىز.
«ءقازىر ايماقتاعى جاعداي تىنىش، سوندىقتان ىزدەۋگە قولايلى دەپ ايتار ەدىم. ءبىراق اپاتتان كەيىن سۋدا كوپ سىنىق بار. سونىمەن قاتار، سۋعا تىكۇشاقتان ءبىراز وتىن توگىلدى»، — دەدى اقش جاعالاۋ كۇزەتىنىڭ قولباسشىسى مارك ليحي.